#48 Како изворите стануваат инфографици и презентации

Што е ново во NotebookLM:

• Направи инфографик со совршен дизајн

• Готови слајдови во неколку минути

• Примери од корисници и идеи

• Задача за тебе

Ова е направено за неколку минути од реални извори👇

Од истите извори е направена и презентацијата без никаков човечки удел или работа. Провери дали изгледа профи 👇

Како?

NotebookLM е Google алатка каде што креираш „тетратки“ (notebooks) и во нив внесуваш извори: PDF документи, веб-страници, видеа, текстови, белешки. Клучната разлика од обичен AI чет е што NotebookLM одговара само врз основа на тие извори, што драстично ги намалува халуцинациите. Ако изворите се добри, и одговорите се доверливи.

Ова се претходните изданија каде зборувавме за NotebookLM

Издание #6

Издание #21

Издание #32

Што е ново и зошто е важно

Последната надградба на NotebookLM додава неколку функции што ја прават алатката значително помоќна, особено за истражување и учење.

1. Нов начин за наоѓање извори: Deep Research

Порано имаше „Fast research“ – внесуваш тема и алатката наоѓа околу 10 солидни извори.
Сега е додаден Deep Research, истата напредна истражувачка алатка што постои во Gemini, но директно вградена во NotebookLM.

Што значи ова во пракса:

• AI агент самостојно истражува тема

• анализира што пронашол

• менува стратегија ако забележи празнини

• создава детален истражувачки извештај

• и најважно: ги внесува сите извори директно во твојата тетратка

* Пробај и „прашања за проверка“ на изворите

NotebookLM е одличен колку што се добри твоите извори. Ако тие се пристрасни, нецелосни или еднострани — и резултатот ќе биде таков.

Затоа еве три типови прашања што можеш да ги користиш:

• Каде изворите меѓусебно се спротивставуваат или се разликуваат?

• Кои важни делови недостасуваат за целосно разбирање на темата?

• Дали има алтернативни, помалку познати или контра ставови што не се опфатени?

Со овие прашања, NotebookLM буквално ти покажува: што ти фали, што треба да провериш, што можеби треба да додадеш или отстраниш.
Ова е критичко размислување „вградено“ во алатка.

2. Studio панел: создавање содржина

Десната страна (Studio panel) нуди формати за учење и паметење:

Постоечките:

• Audio overview (AI подкаст од твоите извори)

• Video overview

• Mind map

• Reports

• Flashcards

• Quiz

Новите (и највозбудливи):

• Infographic (со Nano Banana Pro)

• Slide deck (со Nano Banana Pro)

3. Инфографици: импресивни, но со човечка проверка

Каде? Од десната страна, во студио панелот, кликни на моливчето да се отвори дополнително „Edit“.

Не кликај веднаш „Generate“. Прво „Edit“ и прилагоди:

• кои извори да се користат

• ориентација (portrait / landscape / square)

• ниво на деталност (simple / standard / detailed)

• стил, боја, фокус

Инфографиците што ги генерира Nano Banana Pro се визуелно неверојатни.
Особено „standard“ и „simple“ верзиите се многу употребливи.

Важно:

• кај премногу сложени теми + „detailed“ опција, може да се појават ситни правописни или логички грешки

• „simple“ и „standard“ најчесто се најточни

Ова е огромен скок ако се сетиме дека вакви инфографици беа невозможни пред една година, или се плаќаше апликации за да користиш готови шаблони

Кликни на сликата да ја видиш целата „тетратка“

4. Slide decks: готови презентации од твоите извори

Две опции:

• Presenter slides – визуелни, за говорење

• Detailed deck – текстуално богати, за читање или праќање

Резултатот:

• логична структура

• добри визуелизации

• графици што имаат смисла (не само убави, туку точни)

• речиси без правописни грешки

Ова не е „генеричка презентација“, туку реална помош за разбирање сложени теми.

5. Video overview – голем апгрејд

Видео објаснувањата сега користат визуелни стилови од Nano Banana Pro:

• можеш да одбереш стил (explainer, brief)

• можеш да дефинираш визуелен изглед (на пример: ретро компјутер, неон, cyberpunk)

• резултатот е AI видео со наратор и визуелна конзистентност

Има ситни грешки (на пример погрешно изговорен поим), но квалитетот е многу над претходната верзија.

6. Мали, но важни подобрувања

• Четовите сега автоматски се зачувуваат

• Можеш да ги претвориш во белешки или извори

• Постојат напредни поставки за секоја тетратка:

  • цел (учење, истражување, разговор)

  • стил на одговор

  • должина на одговори

Ова ти дозволува NotebookLM да го користиш не само за учење, туку и како:
енциклопедија, планер, база за содржини, патувања, конкуренција, идеи, книги итн.

Примери од корисници и нивните идеи 

Рачно напишана детска приказна со NotebookLM од фотографија прави целосен слајд-дек со слики и наративна поддршка.

Од обично CV или LinkedIn профил, NotebookLM создава визуелна „мапа на кариера“ – јасна, раскажана и лесна за споделување.

Визуелен „протокол за заглавување“ – алатка што им помага на учениците самостојно да се смират, размислат и пробаат стратегии пред да побараат помош.

Еден корисник покажува како NotebookLM му овозможува експоненцијално побрзо да гради светови, приказни и lore за сопствен DnD проект — визуелно, конзистентно и богато со детали.

Реални забелешки: инфографиците можат да бидат визуелно одлични, но за јазици освен англиксиот, сè уште е потребна внимателна проверка на текстот, а слајдовите не можат да се споделат во Google slides, само како PDF mo

Задача за денес:

• Отвори NotebookLM

• Додади извори за твојата тема (на пр. „македонски ручек тавче гравче“

• Оди десно на инфографик, одбери јазик (македонски) и побарај „Анатомија на…(пр.тавче гравче)

• И прати ни го резултатот

Еве го нашиот