Како да претвориш документи во разбирливи материјали? Го знаеш ли новиот конкурент во генерирање слики? Денес читај:
Што сѐ ново можеш да правиш во NotebookLM?
Готови промптови за:
сопственици на бизнис
автори/писатели
Новиот кинески модел Seedream 4.0- конкуренција на NANO BANANA?
NotebookLM
NotebookLM е „паметна тетратка“ од Google која ги собира твоите извори (документи, ПДФ-и, линкови, YouTube видеа, па и аудио) и ти помага да ги разбереш, сумираш и споделиш како аудио/видео прегледи, мапи на поими и извештаи. Уште во нашето 6то издание https://aitekka.com/p/6-aitekka ја прикажавме апликацијата NotebookLM, во неколку чекори како може да ти послужи.
Денес одиме со многу повеќе: пристигнаа големи подобрувања. Видеопрегледи на 80 јазици и подлабоки аудио прегледи, плус освежен „Студио“ панел за создавање повеќе верзии од ист тип во една тетратка.
Чекор-по-чекор
Отвори NotebookLM и најави се со Google сметка
Отвори нова тетратка “notebook“
Додај извори: Google Docs/Slides, ПДФ, текст/Markdown, веб-URL, YouTube URL или аудио фајл (се транскрибира при увоз). Лимит: до 50 извори, секој до 200MB или ~500.000 зборови.
(Опционално) Discover Sources – во панелот „Sources“ притисни Discover за да пронајдеш релевантни линкови од веб или од твојот Drive и веднаш да ги додадеш.
„Студио“ панел → избери што сакаш да создадеш:
Audio Overview,
Video Overview (наративни слајдови),
Mind Map (мапа на поими),
Reports (извештаи).
Сега можеш да направиш повеќе излези од ист тип во истата тетратка(на пр. повеќе аудио/видео прегледи за различна публика).
Прилагоди го прегледот: со „Customize“ кажи му на NotebookLM на што да се фокусира и на кое ниво на експертиза.
Јазици: Видеопрегледите и подлабоките Аудио прегледи се достапни на 80 јазици; аудио-увоз поддржува и македонски.
🎧 Аудио преглед: нови формати
Сега можеш да бираш четири формати за аудио преглед, да го одбереш јазикот и да ја наместиш должината (пократко, стандардно, подолго):
Deep Dive – (podcast) подлабок разговор меѓу два „водители“ што ги поврзуваат темите од твоите извори.
Brief – краток, јасен преглед со клучни идеи (идеално за брзо слушање).
Critique – „стручна рецензија“ на материјалот со конструктивни забелешки како да го подобриш.
Debate – култивирана дебата меѓу двајца, со аргументи „за“ и „против“ од твоите извори
Најзабавно од сѐ: откако ќе го создадеш твојот podcast, можеш да го направиш и интерактивен: кликни “join” и вклучи се во подкастот.
Веднаш создади мисловна мапа:
🗂️ Reports (автоматски извештаи) – што има внатре
Во Studio → Reports можеш да креираш четири типа документи од твоите извори:
Briefing Doc – краток бриф за донесување одлуки: контекст, клучни наоди, ризици и следни чекори.
Study Guide – водич за учење: главни поими, резиме по секција, прашања за проверка, клучни термини.
FAQ – „често поставувани прашања“ со јасни одговори извлечени од изворите.
Timeline – временска линија на настани/фази (со датуми ако постојат во изворите).
Каде помага (брзи примени):
Мали бизниси → Briefing Doc за состанок со тим/клиент.
Наставници/обуки → Study Guide за повторување пред тест или тренинг.
Поддршка/комуникации → FAQ за најчести прашања од клиенти/родители.
Новинари/проекти → Timeline за развој на случај/иницијатива по месеци.
ПРОМПТОВИ
За сопственици на бизнис
1) 30-дневен план со KPI
Ти си советник за раст на мали бизниси. Мојот бизнис: [вид/нишa], цел: [цел], ограничувања: [буџет/тим/време]. Прво постави ми 3 прашања за да разјасниш. Потоа изработи 30-дневен план по недели (цели, задачи, носител, очекуван резултат) + 5 KPI со формула за мерење и „брзи победи“ што можам да ги направам за <2 часа. Пиши на македонски, јасно и нумерирано.
2) SOP (стандардна процедура) за процес
Направи SOP за процесот „[на пример: одговор на е-пошта за понуда]“. Вклучи: цел, кога се користи, чекори 1-2-3, шаблон за порака, чек-листа за квалитет, временска рамка, и што да правиме ако нешто тргне наопаку. Дај ми и кратка верзија „на еден поглед“.
3) Страница за продукт/услуга што продава
Помогни ми да создадам страница за [продукт/услуга]. Публика: [кого таргетираме]. Тон: [професионален/пријателски]. Напиши: H1 наслов, поднаслов (еден бенефит), 5 бенефити во точки (со резултат за клиент), како функционира (3 чекори), мини-FAQ (5 прашања/одговори), и повик за акција. Додај 8 предложени клучни зборови за SEO на македонски.
За писатели / автори
1) Од тема до план + агол
Помогни ми да напишам текст на тема: [тема]. Публика: [возраст/интерес]. Прво предложи 3 различни агли (со една реченица „зошто ова е интересно“). Потоа изработи план (вовед-3 секции-заклучок) со по 2-3 клучни точки и предлог-наслов(и). Заврши со 5 прашања за интервју/истражување.
2) Уредување за јасност и ритам
Уреди го следниов текст за јасност и ритам, скрати ~20% без да ја смениш пораката. Зачувај го мојот глас, но користи пократки реченици, активен глагол, конкретни зборови. Дaj ми: (1) уредена верзија, (2) список на 5 конкретни подобрувања што ги направи, (3) 3 можни наслови. Текст: “[вметни текст]”.
3) Пренамена на социјални објави
Од овој текст направи 6 објави: 2 за LinkedIn (по 120–180 зборови), 2 за Facebook (по 80–120 зборови), 2 кратки hook-линији за Instagram. Секојa да има силен почеток, 1 главна идеја, мини-CTA и 3 предложени хаштагови на македонски. Текст: “[вметни текст]”.
Seedream 4.0 од ByteDance vs „Nano Banana“
TikTok-компанијата ByteDance го претстави Seedream 4.0 — нов модел за генерирање слики. Според првични (неофицијални) бенчмаркови, моделот се носи — а на места и го надминува Google „Nano Banana“, со конкурентна цена. Раните примени што добиваат на замав се: стори-бординг за филм/видео, фотореалистични рендери и креативни слики за проекти.
▶️ Видео туторијал како да го пробаш модлеот бесплатно: How to use Seedream 4 for FREE
Отвори ја страницата https://lmarena.ai/.
Избери Battle → Direct Chat (директен разговор).
Кликни Generate images и од листата модели избери Seedream 4 / Cream 4.
Внеси промпт или качи референтна слика → Generate.
👉 Ако моделот „се заглави“ со стара сесија (на пр. ги повторува старите резултати), отвори нов Direct Chat и пробај повторно.
Совети и етика
Приватност: не прикачувај лични фотографии без дозвола; избегнувај чувствителни податоци (особено во јавни демо-платформи).
Лиценци: провери правила за комерцијална употреба на генерираните слики и забраните за брендови/лица.
Верификација: резултатите и тврдењата од видеото провери ги со свој A/B тест (ист промпт во Seedream 4 и во друг модел).
Го користиш ли нашиот асистент? Веќе се намножија нашите изданија полни со идеи, туторијали и промптови. Вака одма ќе се снајдеш: На пр. прашај: „Во кое издание можам да најдам алатка за правење аватари?“ Четботот е достапен на овој ЛИНК.
Имаш нешто конкретно што ти се допадна или недостасуваше?
После гласањето, слободно напиши краток коментар!
Како ти се виде денешната содржина?
Се читаме наскоро,
Тимот на aitekka
