In partnership with
Во изминатите изданија веќе видовме како NotebookLM прави чуда со генерирање извештаи, мисловни мапи и аудио подкасти (бр. 32), инфографици (бр. 48) и професионални презентации (бр. 53). Но, Google штотуку ја пушти најголемата надградба во 3-годишната историја на оваа алатка.
NotebookLM повеќе не е само „паметна тетратка што чита и сумира“. Со преминот на новиот Gemini 3.5 модел, алатката доби нешто што целосно ја менува играта за секој бизнис: способност да пишува и извршува сопствен код.
Ако имаш хаос од документи, табели, пораки и идеи — ова е алатка што вреди да ја пробаш.
Може да работи со табели, пораки, анкети, reviews, продажба, реклами, документи и transcripts. Може да пресметува, споредува, групира проблеми, прави графици, извештаи, презентации и табели.
Како да го претвориш хаосот од информации во одлука?
Веднаш под рекламата👇
Нашиот спонзор за денес - со еден клик на сликата/линкот, ни помагате Aitekka да остане бесплатна.
The ones showing up in LLMs convert 3× better than Google
They optimized for LLMs, not just Google.
FAQs. Comparison pages. Transparent pricing. LinkedIn presence. These aren't vanity plays. They're what gets you cited in ChatGPT, Gemini, and Claude when your buyers are researching, your investors are looking, and your future hires are deciding where to work.
Download the free AEO Playbook for Startups from HubSpot and get the exact checklist. Five minutes to read.
1. Secure Cloud Computer и крај на „AI математиката“
Секоја ваша тетратка во NotebookLM добива свој приватен, изолиран компјутер во облакот, придвижуван од Antigravity (интерната алатка за кодирање на Google). Кога ќе го прашате нешто за бројки, NotebookLM пишува вистински Python код зад сцената, го извршува врз вашите податоци, ја проверува математиката и ви го дава точниот резултат. Тој не проценува, туку пресметува.
2. Вкрстување на бројки и текст
Ова е најпрактичната нова функција. Конечно можеш да споиш структурирани податоци (Excel, CSV од Stripe или Meta Ads) со неструктурирани податоци (мејлови од клиенти, поплаки, коментари).
Пример: Прикачуваш CSV фајл со продажба каде гледаш дека имаш висок процент на откажувања (churn). Во истата тетратка прикачуваш 500 мејлови од корисничка поддршка. Му даваш промпт:
Прегледај ги трансакциите и кажи ми кој продукт има најмногу откажувања, а потоа прегледај ги мејловите и кажи ми која е точната причина зошто луѓето го откажуваат тој конкретен продукт.
Алатката ќе ја направи математиката и ќе ти каже (на пример): „90% од откажувањата се во првиот месец, а според тикетите за поддршка, најчеста причина е тоа што автоматскиот мејл за најава доцни.“ Добиваш дијагноза на бизнисот за 2 минути.
3. Нови формати за извоз (CSV, JSON, Markdown и формули)
Во претходните изданија зборувавме за Slide Decks. Но, со оваа надградба, NotebookLM станува компатибилен со другите алатки што ги користиш. Сега можеш да побараш од него да генерира:
Готов Word или Markdown документ со веќе форматирани табели.
Нов Spreadsheet (Excel) целосно изграден со веќе вметнати формули во полињата.
Сурови CSV или JSON податоци. Ова е супер ако сакаш исчистените податоци директно да ги внесеш во твоите n8n или Zapier автоматизации!
4. Стратегија базирана на туѓи проблеми
Ако планираш да лансираш нов продукт или услуга, еве еден генијален workflow: Собери ги сите рецензии (Google Reviews, Facebook…) на твоите топ 3 конкуренти во еден документ и прикачи го.
Промпт:
Групирај ги поплаките за моите конкуренти по тема. Потоа кажи ми која е најголемата стратешка празнина на пазарот што јас можам да ја пополнам.
Зошто NotebookLM, кога веќе има ChatGPT и Claude?
ChatGPT и Claude се одлични за пишување, идеи, стратегија и креативна работа.
Но NotebookLM има друга сила. Тој е source-first алатка. Сè почнува од твоите извори: документи, PDF, линкови, YouTube transcripts, табели, анкети, пораки од клиенти и сл. Логиката е:
ова се моите извори → анализирај ги → покажи ми од каде доаѓа заклучокот → претвори го тоа во корисен output.
Значи, ако имаш идеја — оди во ChatGPT или Claude.
Ако имаш многу извори — оди во NotebookLM.
Што е ново?
Најважната промена е што NotebookLM сега може да работи подлабоко со твоите податоци. Не само да сумира. Туку да анализира.
На пример, можеш да му дадеш:
табела со продажба
feedback од клиенти
пораки од support
податоци од реклами
анкети
reviews
competitor research
стари содржини
документи од тимот
И да побараш:
што се повторува
што не функционира
што носи резултат
каде се губат пари
што треба да се подобри
која услуга/понуда вреди да се промовира
што треба да стане следен производ
што да се претвори во извештај, табела или презентација
Практичен пример - Како да го пробаш?
Отвори NotebookLM и направи нов notebook. Додади 3 до 5 извори.
Не мора да бидат совршени.
На пример:
една табела со продажба, уписи, клиенти или нарачки
пораки од клиенти
reviews или comments
опис на понуда
податоци од реклами или newsletter
Промпт 1: Прво провери што има во изворите
Анализирај ги сите извори во овој notebook како деловен аналитичар.
Прво кажи ми:
1. кои извори ги имаш,
2. каков тип на информации има во нив,
3. кои податоци се структурирани, а кои неструктурирани,
4. кои прашања можеме да ги одговориме со овие податоци,
5. кои прашања не можеме да ги одговориме затоа што недостигаат податоци.
Не давај уште препораки. Прво сакам да разберам што реално може да се анализира.
Промпт 2: Побарај деловна анализа
Сега направи деловна дијагноза врз основа на изворите. Сакам да добијам: 1. 5 најважни трендови, 2. 5 проблеми што се повторуваат, 3. 5 можности за раст, 4. 3 работи што изгледаат добро, но можеби не носат реален резултат, 5. 3 работи што треба рачно да ги проверам. За секој заклучок наведи: - од кој извор доаѓа, - кој е доказот, - колку си сигурен, - што треба да биде следното практично дејство.
Промпт 3: Анализа на пораки, мислења од клиенти и повратна информација
Прочитај ги сите пораки, коментари, рецензии, анкети и други повратни информации од клиенти.
Групирај ги проблемите по теми.
За секоја тема кажи:
како се нарекува проблемот,
колку често се појавува,
кои зборови најчесто ги користат клиентите,
со кој производ или услуга е поврзан проблемот,
што треба да се промени во понудата, процесот или комуникацијата.
На крај направи:
топ 3 проблеми што треба веднаш да се решат,
топ 3 можности за подобрување,
краток список со чести прашања и одговори за нови клиенти.
Промпт 4: Претвори го хаосот во табела
Една од најпрактичните работи во NotebookLM се Data Tables. Ќе ја најдеш опцијата на менито од десно. Одбери јазик и насоки за табелата. На пр:
Колоните нека бидат: 1. тема, 2. што точно пишува во изворот, 3. од кој извор доаѓа, 4. зошто е важно, 5. можна акција, 6. приоритет: висок / среден / низок, 7. кој треба да го реши, 8. рок. Табелата треба да биде практична за работа во Google Sheets.
Ова можеш да го користиш за состаноци, анализа на feedback, истражување конкуренција, продукт research, планирање содржина или организација на задачи.
Промпт 5: Побарај план за акција
Врз основа на анализата, направи ми 7-дневен акциски план. За секој ден наведи: 1. задача, 2. зошто е важна, 3. кој податок од изворите ја поддржува, 4. колку време ќе трае, 5. што треба да биде готово на крајот. Планот треба да биде реален за мал бизнис со мал тим. Не предлагај скапи решенија. Прво предложи промени што можат да се направат со постоечките ресурси.
Анализа без акција лесно станува уште еден документ што никој не го отвора.
Затоа секогаш заврши со: што правиме следно?
За што може да го користиш?
Ако имаш бизнис
Додади продажба, реклами, пораки и reviews.
Прашај:
што носи резултат?
што троши пари?
кои поплаки се повторуваат?
која услуга треба да се промовира?
што да се смени во понудата?
Ако си креатор
Додади стари видеа, newsletter изданија, коментари и прашања од публика.
Прашај:
кои теми најмногу се повторуваат?
што бара публиката?
што може да стане дигитален производ?
што да биде следна newsletter тема?
Ако работиш со едукација
Додади feedback, прашања од родители/ученици, опис на курсеви и распоред.
Прашај:
што не е јасно во понудата?
кои прашања се повторуваат?
кои курсеви треба подобро да се објаснат?
каков FAQ треба да имаме?
Задача за оваа недела:
Избери еден проблем. На пример:
„Сакам да разберам зошто луѓето прашуваат, но не купуваат.“
Додади:
10 пораки од потенцијални клиенти
опис на твојата понуда
една табела со продажба или уписи
comments или reviews, ако имаш
Потоа искористи го овој промпт:
Анализирај ги овие извори за да откриеш зошто луѓето покажуваат интерес, но не купуваат. Сакам да добијам: 1. најчести причини за двоумење, 2. делови од понудата што не се јасни, 3. прашања што треба да ги одговорам однапред, 4. докази од изворите, 5. 5 конкретни промени во комуникацијата, 6. краток FAQ, 7. нова верзија на пораката/понудата што би била појасна.
Ова е доволно за прв тест.
Не мора да направиш „AI трансформација“.
Само најди еден реален проблем и види дали NotebookLM ќе ти помогне побрзо да стигнеш до јасна одлука.
📝 Имаш нешто конкретно што ти се допадна или недостасуваше?
После гласањето, слободно напиши краток коментар!
Како ти се виде денешната содржина?
Прати ни мејл ако имаш свои идеи или ако сакаш да бидеш и ко-автор на некои од следните изданија.
Се читаме наскоро,
Тимот на aitekka
