#36 Gamma 3.0: Водич за креирање содржина

Уште од почетокот на Aitekka зборувавме за тоа како Gamma може да создава презентации и веб-страници без код, директно од текст. Денес одиме чекор понатаму — ќе видиме како новата верзија Gamma 3.0 го претвора целиот процес на креирање содржина во интелигентна соработка меѓу вас и AI.
Овојпат зборуваме за агент и автоматизација.

🧭 Дознај:

• Што претставува Gamma Agent и како работи

• Како се користи API-интеграцијата за автоматизирање задачи

• Новите формати и подобрени визуелни можности во 3.0

• Водич за почетници: автоматизација со Gamma и Zapier

• 🎧 Слушни го водичот — ако немаш време за читање, пушти го видеото и слушај го изданието

 Gamma 3.0

Во претходните изданија на Aitekka зборувавме за тоа како Gamma целосно го смени создавањето презентации — од празна страница до визуелна приказна во неколку клика. Потоа видовме дека истата алатка може да се користи и за веб-страници без код, директно од текстуална идеја. ЧИТАЈ во бр.5 на Aitekka

Со Gamma 3.0, приказната оди многу подалеку. Оваа верзија не е „уште едно ажурирање“, туку практично нов начин на размислување за визуелна комуникација. Ако претходно Gamma беше алатка, сега е соработник — дизајнер, уредник и истражувач во едно.

1. Gamma Agent — новиот интелигентен партнер во процесот

Најголемата новост е Gamma Agent, функција што му дава на корисникот чувство дека работи со вистински колега. Наместо да се занимаваш со форматирање, Agent го прави тоа во позадина.

👉 Како да го најдеш и користиш Agent-от:
Кога ќе создадеш нова презентација или документ во Gamma, ќе го забележиш копчето “Agent” во горниот десен агол на екранот.
Кликни го и ќе се отвори мал прозорец за разговор – токму таму можеш да му пишуваш што ти треба.

Можеш да му дадеш:

Агентот ја анализира содржината, додава визуелни елементи, прави редизајн ако треба и дури може да земе слика од екран со белешки и да ја претвори во уредна серија слајдови.
Она што е уште поважно — агентот може сам да пронајде податоци, статистики и цитати и да ги вметне во содржината со наведен извор.

👉 Како да го искористиш: Ако веќе имаш текст или документ, прикачи го во Gamma и напишш што сакаш од него — презентација, пост, или краток резиме. Агентот ќе го направи останатото.

2. Gamma API — автоматизација без код

Втората голема надградба е API-то, која овозможува Gamma да се поврзе со алатки како Zapier, Make или n8n.
Тоа значи дека Gamma може да биде дел од ваштвојот работен тек:

• автоматски да создава презентации од транскрипти на состаноци,

• да генерира документи од Google Sheets,

• или да испраќа персонализирани понуди до клиенти со податоци од вашиот CRM.

Оваа функција бара Pro профил и се активира преку Settings → API keys.

👇Подолу целосен водич за креирање на автоматизација ⚙️📈

3. Повеќе формати, повеќе слобода

Gamma 3.0 воведува и поголема флексибилност на форматот. Сега можеш да генерираш и веб-страници, документи и содржини за социјални мрежи — сите од еден ист изворен текст.

Пример: еден текст за нова услуга може да се претвори во:

• информативна страница за веб,

• кратка LinkedIn објава,

• визуелна презентација за инвеститори.

👉 Совет: обиди се со командата “Convert to website” — Gamma веднаш ќе ја претвори твојата презентација во чист, адаптивен сајт што можеш да го споделиш со клиенти или партнери.

4. Подобрен визуелен јазик и колаборација

Во 3.0 има и тивка, но важна еволуција во дизајнот:

• повеќе теми и паметни дијаграми,

• подобар автоматски распоред,

• конзистентни бренд-бои низ сите материјали,

• и можност за тимска работа во реално време.

Gamma сега наликува повеќе на заедничко студио отколку на генератор. Секој член на тимот може да прави измени паралелно, без да ја наруши визуелната конзистентност.

Gamma 3.0 го менува пристапот кон визуелната комуникација. Наместо да губите време на технички детали, се фокусирате на идејата, а агентот се грижи за изведбата.

Задача:
Ако не си ја пробал новата верзија, направи мал експеримент: земи некој твој пост или текст и побарај од Gamma Agent да го претвори во визуелна приказна.

 Водич за почетници за Gamma 3.0 и Zapier

Како да креираш презентации автоматски:

Во овој водич, чекор по чекор ќе го претставиме процесот на поврзување на Gamma со алатката за автоматизација Zapier, за автоматски да ги претвориш твоите текстуални документи во готови презентации.

1. Прв чекор: Генерирање на твојот API клуч во Gamma

API клучот е дигитален клуч кој овозможува безбедна и авторизирана комуникација помеѓу апликации, во овој случај меѓу Zapier и твојата Gamma сметка. Без него, апликациите не можат да „разговараат“ една со друга. НЕ СМЕЕШ ДА ГО СПОДЕЛУВАШ СО ДРУГИ!

1. Најави се на твојата сметка на Gamma и оди на страницата за API клучеви (преку settings)

2. Именувај го клучот

3. Генерирај го клучот

Сега кога го имаш твојот API клуч, време е да ја изградиме автоматизацијата во Zapier.

2. Втор чекор: Поставување на автоматизацијата (Zap) во Zapier

„Zap“ во Zapier е едноставен работен тек кој се состои од два дела: Trigger (кога ова ќе се случи) и Action (направи го ова).

2.1. Поставување на тригерот: Google Docs

Овој чекор му кажува на Zapier што да „слуша“. Ќе го поставиме да се активира секој пат кога нов документ е креиран во одредена папка во твоите Google Docs.

1. Во Zapier, креирај нов Zap.

2. За апликација за тригер, избери Google Docs.

3. За настан (Event), избери New Document.

4. Поврзи ја твојата Google сметка кога ќе биде побарано.

2.2. Поставување на акцијата: Gamma

Откако тригерот ќе се активира, му кажуваме на Zapier што да направи. Во овој случај, акцијата е да ја испрати содржината од новиот Google Doc директно до Gamma за да генерира презентација.

1. За апликација за акција, избери Gamma.

2. За настан (Event), избери Generate.

3. Кога ќе биде побарано да ја поврзеш твојата сметка, внеси го API клучот што го зачува во претходниот чекор.

4. Во полето за содржина, избери го податокот од Google Docs што сакаш да го претвориш во презентација.

Твојата автоматизација е речиси готова! Остана само уште еден чекор – да ја тестираш.

3. Тестирај ја твојата автоматизација

Сега, стартувај го тестот директно во интерфејсот на Zapier. Zapier ќе ја испрати содржината од твојот Google Doc до Gamma. За само неколку секунди, во твојата контролна табла на Gamma ќе се појави комплетно нова презентација со околу 10 слајдови, генерирана автоматски од твојот текст, без никаква мануелна работа. Ова е моќта на импресивната автоматизација, дизајнирана да ти заштеди време.

4. Што понатаму?

Честитки! Успешно ја создаде твојата прва автоматизација за генерирање презентации.

Примени ја истата автоматизација за автоматски да ги претвориш необработените белешки од состаноци, проектни задачи, па дури и податоци од CRM во совршено средени презентации подготвени за клиенти.