#29 Направи веб страна со еден промпт

Ако некогаш мислевме дека правење веб-страна е скапо и комплицирано – сега работите се менуваат.
Тестиравме неколку популарни AI веб-билдери и ги разгледавме нивните предности и слабости, за да видиш што навистина вреди.

Во ова издание ќе дознаеш:

• како да почнеш

• како од една идеја и еден промпт можеш да добиеш готова веб-страница

• кои алатки нудат најмногу за твоите потреби

• вистински примери од нашето тестирање

• генерирање слики и видеа со AI

Од идеја до веб-страна со AI

Во издание #5 ја запознавме Gamma, каде за првпат зборувавме за креирање веб-страна со еден промпт. Овој пат одиме подлабоко.

AI билдерите на веб-страници звучат како магија — опиши ја својата идеја, кликни едно копче и гледај како страницата се појавува. Но, реалноста е малку поинаква: многу алатки испорачуваат генерички шаблони кои едвај личат на твојата визија.

Денес ќе разгледаме неколку решенија кои тврдат дека можат да:
✔️ создаваат прилагодени распореди
✔️ пишуваат привлечен текст
✔️ вградуваат слики/видеа во согласност со брендот
✔️ и дури се грижат за дел од SEO-то.

За кого е ова?

• мали бизниси кои сакаат да се претстават онлајн

• хонорарци или консултанти кои сакаат да изгледаат професионално

• работилници или настани

• дури и лични сајтови (CV, блог, галерија)

Од каде да почнеш?

Бидејќи со сите овие веб-билдери ќе ти треба промпт- ќе поченеме од таму. Подготви промпт (со помош на ChatGPT). Побарај од ChatGPT вакво нешто:

ChatGPT ќе ти врати готов опис што можеш да го ископираш. Овој промпт го добивме од ChatGPT и истиот го искористивме во секој од овие AI билдери. Види го резултатот под секое објаснување.

1. Wix: бара многу подесување

Wix е веќе долгогодишен лидер во веб-дизајн, а со новиот AI уредник креира страници, продавници и лендинг-страници со чeтбот. Може да генерира распоред, текст и SEO оптимизација, и секој дел од страницата можеш да го уредиш како што сакаш.

AI-то помага и со резервации, маркетинг и е-трговија. Wix Studio има напредни алатки за агенции, вклучувајќи автоматско прилагодување за сите уреди.

Предности: бесконечна флексибилност, SEO и маркетинг алатки.
Недостатоци: високи цени за е-трговија/маркетинг; тешко префрлување на друга платформа.

Нашиот прв резултат само од еден промпт👇

2. Framer

Framer AI креира целосна веб-страница од еден текстуален prompt. Ако не ти се допаѓа дизајнот, можеш да промениш секој елемент со еден клик. Има интерфејс сличен на Figma/Webflow, без потреба од кодирање.

Поддржува генерирање текст и слики, SEO алатки, брза интеграција со апликации (YouTube, Eventbrite), па дури и AI превод на страници. Бесплатен за едноставни проекти, со планови од $5 месечно.

Предности: брзо креирање преку prompts, разновидни дизајн алатки, интеграции и SEO.
Недостатоци: може да бара основно програмирање; интерфејсот делува комплексно.

Нашиот прв резултат само од еден промпт👇

3. Durable: Најбрз за почетници

Durable создава цела веб-страница исто со промпт. Вклучува AI CRM, SEO и маркетинг алатки, како и фактурирање и lead management.

Недостаток е што нема е-трговија, а сликите се базирани на stock база. Бесплатен план, со плаќање од $15 месечно.

Кој да го користи: почетници и мали бизниси што сакаат најбрзо можно решение за онлајн присуство.

Ова излезе дека е наједноставно и симпатично 🙂 

Нашиот прв резултат само од еден промпт👇

4. Loveable: Најпопуларен меѓу новите креатори

Loveable е релативно нов AI веб-билдер кој експлодираше во популарност на TikTok и Reddit поради неверојатната леснотија: внесуваш еден промпт и за 1 минута добиваш дизајнирана веб-страница со текст, слики, CTA копчиња и структуриран изглед.

Веб-страниците што ги генерира имаат модерен изглед, а платформата овозможува уредување во реално време. Вклучува и секции за блог, FAQ, сведоштва, па дури и интеграција со Calendly или Stripe.

Предности: ултра-брз процес, дизајни што изгледаат професионално, совршен за one-pager лендинг страници.
Недостатоци: ограничен број темплејти, недостасуваат напредни функции (еден веб-сајт по корисник, без custom домен на бесплатната верзија).

Нашиот прв резултат само од еден промпт👇

5. Hostinger: Најдобар буџет AI-вебсајт билдер

Hostinger AI Website Builder овозможува брзо и евтино градење веб-страници. Процесот трае околу 1 минута: внесуваш неколку информации и алатката генерира текст, слики, фонтови и палети на бои. Добиваш дизајн што се прилагодува на секој уред (компјутер, таблет, телефон)“и drag-and-drop уредник без кодирање.

Вклучува вграден AI писател, AI Logo Maker, SEO алатки и AI Heatmap за анализа на корисничко однесување. Пакетите почнуваат од само $3.99 месечно и вклучуваат хостинг, домен и е-трговија.

Предности: брза AI-креирана страница, интегрирани алатки за содржина, SEO и CRM, повеќе од 100 шаблони.
Недостатоци: дизајните често изгледаат основно; бесплатната верзија е ограничена.

Нашиот прв резултат само од еден промпт👇

Искрено,од сите само Framer не би го препорачале. Одма бараше работење со алатките за дизајн, додека сите други вклучија свој текст, бои и слики. Кај сите може лесно да се смени текст или слика/видео. Може и директно на самиот вебсајт да користиш AI за да ти генерира текст и нови слики.

❗Промптот секаде беше поставен на македонски, но во ниедна алатка не потенциравме дека сакаме сајт на македонски. Wix и Durable го направиja на англиски. А останатите (Framer. Loveable, Hostinger) директно на македонски.

Значи, ајде! Прво промпт во ChatGPT и одбери еден билдер да го пробаш со твојата идеја.

Генерираме слики и видеа со AI

Следниве два промпта за слика се направени во ChatGPT5 -македонските зборови сè уште ги греши. Промптот е ист само преведен. Еве ги резултатите:

А решивме малку и со Grok да се занимаваме. И сликата и видеата се направени преку апликацијата за телефон. Кога ќе ја симнеш апликацијата, наместо “ask”, оди во “imagine”. Има безброј слики и видеа чии промптови можеш да ги менуваш по свое за да добиеш тоа што сакаш. Нема споредба со Sora на OpenAI и Veo на Google - или едноставно треба повеќе да го користиме за да ги откриеме сите можности и на Grok 😃