Организирај се со #8 издание на aitekka!

Имаш сè по нешто запишано насекаде? Нешто во тетратка, на Viber, нешто памтиш?
Дознај што ќе ти помогне да си ја организираш работата, животот и финансиските обврски – сè на едно место.

Во овој број нудиме:

• Организирај се со Notion

  • упатство

  • видео туторијал

• Промптови

  • маркетинг кампања;

  • мејл за добредојде во фитнес програма;

  • слика од ФБ;

• Генерираме стрип

• Google победи!

• Твое мислење- ОЦЕНИ ја содржината!

NOTION - крај на хаосот

БЕСПЛАТНА, лесна апликација што изгледа како дигитален бележник, планер и организатор.

Можеш да го користиш за:

 🔹работа: направи неделен план, забележи рокови, следи клиенти или проекти.
🔹 дома: направи список за пазарење, следи трошоци, бележи важни информации (пример: кога треба да се плати сметка).
🔹 себе: , бележи идеи, статии, линкови, рецепти или задачи што ви паѓаат на ум.
🔹 финансии: поглед на твоите приходи, трошоци, кредити и заштеди – сè во визуелен формат.

🔧 Како да започнеш со Notion – Чекор по чекор

1. Кликни: www.notion.so и пријави се бесплатно (можеш и преку Google).

2. Избери шаблон – Notion нуди готови примери (за задачи, буџет, белешки).

3. Запиши што ти е важно – направи неделна табела со денови и обврски.

4. Додај си нови секции за проекти, трошоци, дневник... што и да ти треба.

5. Инсталирај ја мобилната апликација и користи го Notion каде и да си.

💡 Што сè можеш да правиш во Notion?

„Втор мозок“ за идеи и знаење - Собери идеи, белешки од книги, подкасти, линкови... сè на едно место. Организирај ги по теми и ќе ти бидат секогаш при рака.

Финансиски планер - Следи ги месечните трошоци и приходи. Стави си табела со категории, суми и график.

Курсеви и обуки - Собери си белешки, линкови, задачи и напомени од било кој курс или обука.

Проектен менаџер - Следи ги сите твои тековни проекти – со статуси, рокови и задачи.

Дневник за читање - Следи кои книги си ги прочитал/а, што си научил/а од нив, и запиши омилени цитати.

Планер за вежбање - Креирај табела со вежби, тежини, повторувања и цели. Гледај како напредуваш секоја недела.

Планер за патување- Внеси летови, сместување, активности, буџет – и сѐ ќе ти биде прегледно на едно место.
Можеш да користиш и „канбан“ стил (како табла со лепенки) за визуелизација.

ВНИМАВАЈ! Од искуство, почни полека. Може да ти изгледа комплицирано и како да бара многу работа, но не мора сѐ да направиш одма; Давај конкретни имиња на страните; Направи си една страна „Почетна“ каде ќе ги имаш линковите до сите важни страници – како дигитално мени; Кога ќе имаш многу страници, не се труди да ги памтиш сите – само притисни Ctrl + P и почни да внесуваш збор. Notion ќе го најде за тебе; И најважно: Не мора да биде совршено - Notion треба да ти служи тебе, не обратно.

Маркетинг кампања од нула - Кога имаш добра идеја, но не знаеш како да ја промовираш. Постави го овој промпт во ChatGPT или Gemini.

Овој prompt е наменет за креирање на е-маил за добредојде кој ќе ги мотивира и вклучи новите клиенти на  дигитална фитнес програма  уште од првиот ден. Тој ќе ти помогне да изградиш позитивен прв впечаток и да ги охрабриш корисниците веднаш да започнат со програмата

Дали ги прочита претходните изданија? Може таму се крие нешто што ќе ти го олесни животот! Не пропуштај! https://aitekka.com/

ОВА ПРВ ПАТ ГО ПРАВИМЕ! НÈ ИНСПИРИРАШЕ ДОНКА!

Ја искористивме приказната “Donka- The Computer Hero”, на Борче Стаменов -со негова дозвола 🙂- за да се инспирираме и да создадеме илустрација од овој тип. Сакавме да видиме што може да постигнеме со еден промпт, и еве, како за од прва не е лошо:

Инспирацијата:

• Gemini 1.5 Pro – новата верзија на Gemini е интегрирана во Google Search, Gmail, Docs и Android. Може да чита, сумира и резонира низ документи до 1 милион токени, што значи дека може да разбере цели книги или архиви од разговори.

• Project Astra – нов напреден агент (AI асистент) кој гледа, слуша и одговара во реално време преку камера и микрофон. Замисли Google Assistant, но 10x попаметен.

• Veo – AI за креирање видеа со висок квалитет. Може да создаде видеа од промпт, со природни движења, светлина и различни стилови. Достапно за тестирање преку YouTube Shorts Labs.

  

  Prompt by Jeff J Hunter

• Imagen 3 – подобрување на генераторот за слики, сега со повисока прецизност и реалистични детали, вклучувајќи подобар текст во слики.

• Gemini Nano во Android 15 – новата верзија на Android користи Gemini Nano на телефонот (on-device), без интернет. Може автоматски да сумира разговори, да предупредува на сомнителни пораки и да нуди паметни одговори.

• NotebookLM – доби надградба и сега може да работи со целосни PDF документи. Самиот си прави резиме, прашања и објаснувања врз основа на твојот материјал.

• Gemini интеграција во Chrome – сега можеш директно да му поставуваш прашања во Chrome, додека сурфаш. Пр. „Што е оваа компанија?“ додека гледаш веб-страница.