Ако деновиве сте отвориле LinkedIn, X или YouTube, сигурно веќе сте налетале на видеа што покажуваат што сè може GPT-6 Astra.

Прави игри, веб-страници, програмира, управува со компјутер...

Импресивно е.

Ама повеќето од нас нема утре да седнат да прават 3D игра.

Затоа, наместо уште едно:

„Погледнете колку е неверојатна Astra!“

да почнеме со многу покорисното прашање:

Што реално се менува за мене?

Веднаш под рекламата👇

Нашиот спонзор за денес - со еден клик на сликата/линкот, ни помагате Aitekka да остане бесплатна.

Ready to transform artificial intelligence from a buzzword into your personal revenue generator?

HubSpot’s groundbreaking guide "200+ AI-Powered Income Ideas" is your gateway to financial innovation in the digital age.

Inside you'll discover:

Download your guide today and unlock a future where artificial intelligence powers your success. Your next income stream is waiting.

Get The Free Guide

GPT-6 Astra е новиот најнапреден модел на OpenAI, објавен на 3 септември.

OpenAI го претставува како својот најспособен модел досега, особено за работа со компјутер, пребарување на интернет, програмирање, наука и посложени професионални задачи.

Но за повеќето од нас поважна е една друга работа:

Astra подобро разбира што сакате да постигнете, а потоа може сама да преземе поголем дел од работата.

Одговорот во моментов не е баш едноставно „да“ или „не“.

Кога ја објави Astra, OpenAI најави дека постепено ќе ја пушта за Plus, Pro, Business и Enterprise корисници.

Во моментот кога го пишувам ова, GPT-6 Pro со Astra е достапен во обичниот ChatGPT за Pro $100, Pro $200, Business и Enterprise корисници.

Ако имате Plus, Astra моментално можете да ја користите преку ChatGPT Work и Codex, а пуштањето за повеќе корисници сè уште трае.

Work и обичниот Chat не се исто.

Chat е она што најчесто сме го користеле досега: прашуваме нешто, разговараме, бараме анализа, пишуваме текст.

Work е повеќе за задачи што имаат неколку чекори: истражување, работа со фајлови и апликации, пребарување, средување информации и на крај готов резултат.

Најлесно е Astra да се покаже со спектакуларни демо-видеа на youtube.

Но многу поинтересни се неколку промени што не изгледаат толку спектакуларно на видео.

Старите модели можеа да бидат многу буквални. Ако не сте кажале нешто во промптот, понекогаш ќе го игнорираа. Ако во средината на задачата додадете нова инструкција, можеше да заборават дел од првичната цел. Ако нешто недостига, или ќе погодат — или ќе почнат да поставуваат пет прашања.

OpenAI вели дека Astra е подобра токму во ваквите ситуации.

Кога инструкцијата остава простор за толкување, моделот повеќе го користи контекстот за да ги пополни рутинските празнини. Кога недостига информација што навистина може да го смени исходот, поставува поконкретно прашање.

А ако ја промените задачата во текот на работата, подобро го задржува првичниот контекст наместо секоја нова порака да ја третира како сосема нова задача.

Промптовите не исчезнуваат. Колку подобар контекст му давате на AI, толку подобар резултат можете да добиете. Но се намалува потребата пред секоја задача да напишеме нешто од типот:

„Act as a world-class marketing strategist with 25 years of experience. Your goal is to…“

па улога, па формат, па 14 правила, па чекори, па „before answering take a deep breath“.

Тоа беше делумно начин да му помогнеме на послаб модел подобро да ја разбере нашата намера. Со Astra многу почесто можете да почнете од нешто многу поприродно:

Кажете го проблемот.

На пример:

„Имам мал бизнис и последниве два месеца добивам многу пораки од потенцијални клиенти, но мал дел купуваат. Еве ги пораките што ги добивам и моите одговори. Анализирај што можеби не функционира и помогни ми да го подобрам процесот.“

Тоа е промпт. Но не е „prompt engineering“.

Тоа е контекст + проблем + цел.

Досега често го користевме ChatGPT како многу паметен соговорник:

„Дај ми идеи.“…„Напиши ми текст.“…„Објасни ми.“…„Направи план.“

Но Astra е направена многу повеќе за делегирање работа.

OpenAI наведува примери како пополнување онлајн формулари, ажурирање CRM, организирање календар, онлајн истражување, работа со документи, анализа на податоци, креирање веб-страница и проверување дали таа навистина функционира.

Кај професионалната работа, Astra е дополнително тренирана да создава готови документи, презентации, spreadsheets и анализи, да следи постоечки templates и подобро да го почитува стилот на организацијата.

Забележете ја разликата.

Не:

„Кажи ми како да го направам ова.“

Туку:

„Направи го ова.“

Тоа е многу поголема промена отколку ново копче во ChatGPT.

Отворате ChatGPT. Не мора да барате „GPT-6 Astra top 50 prompts“.

Почнете со нешто што веќе ви троши време.

Наместо: „Напиши професионален email.“

Пробајте: „Имам многу непрочитани пораки и не знам од каде да почнам. Провери кои бараат одговор, кои се само информација и кои можат да почекаат. За тие што бараат одговор, подготви ми drafts, но немој ништо да испраќаш.“

„Размислувам дали да воведам нова услуга. Еве ја цената, трошоците, што знам за клиентите и што ме загрижува. Не ми кажувај веднаш што да направам. Прво најди што ми недостига за да донесам добра одлука.“

Ова е многу подобра употреба на AI од:

„Дали ова е добра бизнис идеја?“

„Овде се шесте документи од проектот. Помини ги сите. Кажи ми што е веќе договорено, каде има контрадикции, кои прашања останале отворени и што треба јас да направам следно.“

Со подобра Memory, фајлови и Work, ова е токму типот работа каде ChatGPT почнува да личи помалку на chatbot, а повеќе на работна околина.

„Треба да направам landing page за оваа услуга. Еве ги белешките, старата понуда и страницата што ја користам сега. Не сакам само идеи. Подготви целосна нова верзија што можам реално да ја објавам.“

Ова е еден од најдобрите тестови за новите модели:

не да им дадете измислена задача, туку вистинската задача што вие не сакате да ја работите.

Истовремено и самиот ChatGPT како производ станува многу поперсонален.

Во Settings → Personalization сега има неколку различни начини да го приспособите ChatGPT.

Можете да изберете основен стил и тон — на пример Professional, Friendly и други личности. Тоа не го прави моделот попаметен или поспособен; го менува начинот на кој комуницира со вас.

Потоа се Characteristics.

Таму можете уште попрецизно да го нагодите одговорот: повеќе или помалку топол, ентузијастичен, форматиран, со повеќе или помалку emoji и слично.

И тука е Memory.

Во јуни OpenAI воведе многу поголема промена во начинот на кој ChatGPT ја гради меморијата за корисникот.

Кога Memory е вклучена, ChatGPT може автоматски да извлекува корисен контекст од вашите разговори, фајлови и поврзани апликации и да создава ажуриран преглед на работите што се релевантни за вас.

Постои и опцијата Reference my writing style. Со неа можете да поврзете е-пошта, пораки или документи што сте ги пишувале, а ChatGPT ги користи како пример кога подготвува нов текст. Така, деловната е-пошта може да звучи поинаку од порака на Slack или подолг документ — поблиску до начинот на кој навистина пишувате во различни ситуации.

Изберете една работа што ви троши време или нешто ве кочи.

Отворете ChatGPT и објаснете:

што се случува, што имате на располагање и што сакате на крајот да биде завршено.

Не грижете се прво дали промптот е „правилен“.

Почнете со проблемот.

Дајте му го контекстот.

Дајте му ја вистинската работа.

И видете колку далеку може да стигне.

Не мора ние постојано да учиме како совршено да зборуваме на јазикот на AI.

AI станува подобар во разбирањето на нашиот.

…а за WOW ефект, погледнете го видеото