#44 Nano Banana Pro: дали Google испорача алатка што вреди?

Nano Banana Pro е нова класа алатка.
Работи побрзо, почисто, поразбирливо, и конечно е нешто што можеш да го користиш секој ден — за работа, содржина, учење или маркетинг.

Првата Nano Banana, иако забавна, имаше свои ограничувања: текст што не може да се прочита, мали слики, ограничени можности и чудни грешки.

Сега Гугл ветува нешто повеќе.

Што е различно кај Nano Banana Pro?

Текст што конечно е точен (и читлив!)

Nano Banana многу често грешеше букви. (Исто како ChatGPT)
Креираше зборови кои изгледаа како glitch, или целосно погрешни фрази.

Со Pro верзијата:

• текстот е 100% читлив

• нема погрешни букви

• може да прави букви од дрво, метал, камен, неон…

• може да го замени текстот на постоечка фотографија без да ја расипе сцената

• не измислува нови зборови

Што значи ова за тебе? Било кој текст создади го во каква форма сакаш, смени тескт на постер, слика, дури и thumbnail.

Онлајн примери:

• познатиот woodchuck-постер од Google — букви од дрво, сите точни…само со еден промпт.

Можеш да земеш стил, боја или текстура од било која фотографија и да го „аплицираш“ врз твој предмет.

Резултат:

Примерот на Гугл - со скица и текстура, Nano Banana Pro го префрла врз твојот објект како да е филтер.

Или внесуваш слика што сакаш да добие друга текстура и ваков промпт:

Пробај ги примерите на Гугл за осветлување и фокус:

Комбинирај до 14 фотографии — и сите изгледаат координирано

Ова е upgrade што веднаш го забележуваш.

Во старата верзија → максимум 3 референци пред да се изгуби стилот.
Pro верзија → 14 фотографии одеднаш, и моделот држи конзистентност.

Што значи ова?
Можеш да ставиш:

• производ

• човек

• позадина

• реквизити

• дополнителни елементи

…и Nano Banana Pro прави една чиста, логична фотографија.

Примери од Гугл:

За маркетинг, работилници, презентации — ова значи дека повеќе не мора да одиш на фотографирање за да тестираш идеја.

Автоматски инфографици што се точни (благодарение на Google Search)

Ова е најимпресивниот дел.

Nano Banana Pro може да:

1. препознае што има на фотографијата

2. направи search

3. ги собере точните информации

4. ги организира во инфо-материјал со стил што ти ќе го зададеш

Ние пробавме вака:

Од ВИДЕО до ИНФОГРАФИК

Можеш да претвориш кое било YouTube видео во инфографик со Nano Banana Pro во Gemini.

– Копирај било кој YouTube линк
– Залепи го во Gemini и побарај да го анализира (Gemini може да пристапи до видеото само преку URL)
– Потоа побарај инфографик

ЛИНКОТ што го искористивме и инфографикот што го добивме од Gemini:

Може од сè да направиш дијаграм/скица и да ти додаде анотации на слики. Но, ако погледнеш подобро, ќе забележиш грешки. Креаторот тврди дека Gemini ги поправа со дополнителни промптови.

Што друго пробавме?

Можеш и да смениш aspect ratio на било која слика без да ја изобличиш.
На прв поглед изгледа како мала работа, но е супер корисно – земаш 16:9 слика и ја правиш 9:16 за друга социјална мрежа. Старите модели ја сплескуваа или чудно ја растегнуваа. Nano Banana го прави тоа подобро.

Сакаш да си во тек со сите AI алатки? Најважните AI вести што можеш да ги прочиташ за 5 минути.

Learn AI in 5 minutes a day

This is the easiest way for a busy person wanting to learn AI in as little time as possible:

1. Sign up for The Rundown AI newsletter

2. They send you 5-minute email updates on the latest AI news and how to use it

3. You learn how to become 2x more productive by leveraging AI

Sign up to start learning.

Каде да го користиш Nano Banana Pro

Gemini (бесплатно)

Добро за проба, но:
– нема 4K
– нема формати
– има watermark

Google AI Studio (професионално)

Тука е целата моќ:
– 1K/2K/4K
– сите формати
– web-grounding
– работа со повеќе референци
– без watermark
– користи API credits

За сериозна работа → AI Studio.

И мало потсетување дека не е сè така совршено:

Еден Gemini акаунт вели дека не може да анализира видео; друг — за истиот линк — измислува целосно сценарио што воопшто не постои во видеото. Тоа не е само баг, туку пример како LLM-ите понекогаш комбинираат ограничувања, кеш, различни конфигурации и „hallucination“ во еден непредвидлив одговор.

Овие ситуации ја отвораат големата тема: доверба, транспарентност и стабилност кај multimodal модели. Ако две инстанци на истиот модел даваат контрадикторни резултати, како да знаеме на што да се потпреме? Ова е причината зошто постојано нагласуваме— AI е алатка, не авторитет. И кога ја користиме, мора да вклучиме верификација, критичко читање и базичен „question everything“ mindset.

Ваквите примери убаво нѐ потсетуваат дека AI е одличен асистент — но никогаш не смее да биде единствениот извор на вистина.

УТРЕ во инбокс ќе те чекаат 50 готови промпта за Nano Banana Pro 

само ќе ги копираш и пробаш. Не го пропуштај мејлот! 😊