#43 Практичен водич за Gemini 3

Не стигнавме ни за новиот Grok да ти кажеме, а веќе излезе Gemini 3 и само за тоа се зборува. Провери дали тебе ќе ти врши повеќе работа:

• Што е Gemini 3 (и што е ново)

• Што можеш ти да правиш со него

  • Практични примери за секојдневни задачи

• Промптови што можеш да ги пробаш веднаш

Што е Gemini 3

…и зошто сите се возбудени?

Google ја претстави третата генерација на Gemini — модел кој веднаш стана достапен БЕСПЛАТНО во нивните алатки: Gemini апликацијата, Google Search, AI Studio и новиот Antigravity IDE. Ефектот врз заедницата беше брз: едни го сметаат за најсилниот модел што Google досега го пуштил, други внимателно го тестираат со пониски очекувања.

Фокусот е на три работи:

• подлабоко резонирање („thinking model“ – има нивоа на „thinking“ и по дифолт размислува подолго пред да одговори)

• мултимодалност – работи со текст, слики, аудио, видео, PDF, дури и цели код-репозиториуми

• агентски способности – може да прави повеќестепени задачи, да користи алатки и да „оркестрира“ процеси (coding, web browsing, апликации).

Контекст прозорец: 1 милион токени (отприлика 1500 страни текст)
Тоа значи дека можеш да му дадеш обемни текстови, документи, код или транскрипти – и тој да ги памти во рамки на една сесија.

Како да пристапиш?

• Во Gemini апликацијата (web и mobile) – како „Thinking“ модел (Gemini 3 Pro)

• Во Search – AI mode – „попаметен“ Google Search што може да прави резимеа, визуелни прикази и интерактивни одговори

• Во Google AI Studio / Vertex AI – за девелопери, vibe coding и апликации

• Во новиот Antigravity IDE – „agent-first“ coding околина каде неколку AI агенти работат заедно на код, тестови и debug.

• Како реагира AI заедницата?
  Накратко: комбинација од „wow“ и „ај да видиме колку ќе биде стабилно“.

  • На бенчмаркови (LMArena, WebDev Arena и сл.) Gemini 3 веднаш скокна на врвот и ги престигна конкурентите во повеќето тестови за reasoning и coding.

  • Девелоперите особено го фалат vibe coding делот – „од една реченица до функционална апликација или игра“, плус можност да се remix-ира и да се додаваат нови features со неколку репромптови.

  • На Reddit и форуми има многу реакции дека „thinking“ процесот е подолг, но многу подобро објаснет – се гледа како чекор-по-чекор расудува. Некои го доживуваат како најдобриот модел за визуелно и логичко расудување што досега го пробале.

Секако, остануваат истите класични проблеми на LLM: понекогаш халуцинира, не е магичен експерт за право/медицина и бара човечка проверка.

Банално за нас, ама и ова AI не знае да брои карактери/зборови и сè уште ги греши датите 🤔

Што можеш ТИ да правиш со Gemini 3

Да преработиш огромна количина информации

Со 1M токени и подобар мултимодален мозок, Gemini 3 е идеален за сценарија од типот на:

• Имаш десетина PDF документи, презентации и белешки за одредена тема (на пр. финансирање стартап, нови регулативи за AI, учебници за испит).

  • Му ги даваш сите, му кажуваш: „Направи ми резиме за почетник, плус краток речник на поими, визуелна шема и 10 прашања за само-тестирање.“

• Може да создаде и интерактивни флеш-карти, визуелизации и mind-map за тие материјали – токму ова Google го истакнува како типичен use-case.

Видео лекции и туторијали 

Ќе му дадеш линкови или дури директно видеа, тој ги „гледа“, прави резиме, структуриран план за учење и чек-листи.

Интерактивни табели

Табели што не се само текст, туку можеш да:
– кликнеш,
– сортираш,
– филтрираш,
– внесеш податоци,
– добиеш автоматски пресметки.

Vibe coding: „Напиши ми апликација од оваа идеја“

Во Google AI Studio постои Vibe Code: ставаш текст („сакам игра како [внеси име на игра], во [x] стил, играчот да има 3 животи…“), и Gemini 3 прави цела игра – HTML/CSS/JS/Three.js, UI, логика.

• Едноставни образовни игри

• Мали web-алатки

• Маркетинг игри за бренд

Поентата тука: не мора да си девелопер.
Твојата работа е да ја опишеш идејата и да играш со репромпт: „додај уште 5 features“, „смени ја бојата“, „направи light верзија“, „додај leaderboard“.

Gemini 3 како „super-search“ (AI Mode) ⚠️👀не е достапно на македонски (кирилица)

Во Google Search, AI Mode со Gemini 3 не е само „резиме на линкови“ – туку генеративен интерфејс 

Важно: AI Search уште прави глупости – има примери каде погрешно ги прикажува цените или ги меша изворите, па секако треба проверка.

Gemini Agent: да ти работи задачи – со доза на здрав скептицизам

Agent mode е најконтроверзниот, но и најинтересниот дел (пристап во платената верзија-исто како ChatGPT):

• Може да:

  • го прочешла Gmail и да ти направи листa на плаќања/фактури по период

  • ти предложи распоред за неделата, да сортира инбокс, да подготви одговори

  • резервира термини (вечера, услуги, активности) на web, во принцип сè што би го правел ти во browser.

• Но Google отворено вели:

  • е во ран развој,

  • може да прави грешки,

  • не треба да му доверуваш банкарски сметки, медицински и правни одлуки без човечка контрола.

За понапредните: Antigravity и целосно AI-first девелопмент

• Antigravity е нов IDE од Google, наменет за agent-first coding:

  • повеќе агенти имаат пристап до editor, терминал и browser,

  • создаваат „artifacts“ (task lists, планови, screenshots) за да се види што правеле,

  • можеш да пуштиш background агенти да ти бараат багови, да пишуваат тестови, да рефакторираат код.

• Gemini 3 Pro има и „thinking_level“ параметар (low–medium–high), па девелоперот може да бира:

  • побрз, плиток одговор → low

  • подлабоко reasoning → high

ПРОМПТОВИ

1) Финансиски калкулатор за мал бизнис

2) Интерактивен планер за активности

3) Проектен dashboard со статуси

4) Календар за часови / сесии (корисно за наставници и тренери)

5) Генератор на сценарија „што ако“ за лични финансии

6) Табела за споредба на опции (купување автомобил, лаптоп, курс…)

7) Мини KPI (клучен индикатор за успех) dashboard за бизнис

8) Организатор на домашни трошоци

9) Генератор за блог/план за соц.медиуми за 30 дена

10) Табела за носење одлуки (Decision Matrix)

20 ноември околу 20ч излезе и Nano Banana Pro

…ама за тоа во следните изданија ツ