#41 ChatGPT 5.1: помалку нервози, повеќе нијанси

OpenAI го надгради ChatGPT.
Новата верзија GPT-5.1 ветува да биде побрза, поприродна и – најважно –
малку подобро да нè разбира „меѓу редови“, со повеќе нијанси и помалку чудни интерпретации.

Во ова издание на Aitekka:

• Што е GPT-5.1

• Кои се новите модели Instant и Thinking,

• Намести стил и карактер на ChatGPT

• Алатка за агенти Lindy.ai

• Како да го тестираш

• GPT-5.1 Codex за кодирање

  Што е GPT-5.1?

GPT-5.1 е најновата верзија на GPT-5 моделите што стојат зад ChatGPT.
Не е тотално нова ера, туку надградба: истиот асистент, но:

• прави помалку фактички грешки

• подобро ги следи инструкциите што му ги даваш

• звучи поприродно во разговор

• подобро препознава што ти е намерата со прашањето

Ако си на Pro, Plus, Go или Business, шансите се веќе да ти се појавиле новите опции.
Постепено ќе стигнат до сите, а двата модели ќе бидат достапни и преку API,
што значи: GPT-5.1 ќе го гледаме и „скриен“ во други апликации, не само во ChatGPT.

Два нови мозоци: Instant и Thinking

Со GPT-5.1 добиваме две варијанти на моделот:

GPT-5.1 Instant – побрзи резултати

Овој модел е направен да е брз и практичен.
Одговара побрзо, подобро препознава кога задачата е едноставна и не „развлекува“ со бескрајни објаснувања ако не мора.

Добар е за:

• секојдневни мејлови и пораки

• идеи за содржина

• кратки резимеа

• „дај ми 5 предлози за…“ тип задачи

GPT-5.1 Thinking – потемелно размислување

Кога ќе види комплицирано прашање, размислувањето трае повеќе време и да оди по чекори.

Корисен е кога:

• споредуваш опции (понуди, стратегии и сл)

• правиш план или структура за проект

• ти треба јасна аргументација „за и против“

• решаваш проблем што бара логика, не само повторување инфо

  GPT-5.1 сам се обидува да процени кога му треба „подолг муабет“,
  а кога е доволно кратко и директно.

Во пракса:

• за брзи, едноставни задачи → користи Instant

• за одлуки, стратегии, анализи → пробај Thinking

Со GPT-5.1 можеш многу полесно да ја наместиш „личноста“.

OpenAI додава готови стилови, на пример:

• Professional – мирен, деловен, сериозен

• Friendly – опуштен, топол, разговорлив

• Candid – директен, искрен, без многу украси

• Quirky – малку чуден, духовит, нестандарден

• Efficient – кратко, јасно, без вишок текст

• Nerdy – технички, детално, geek mode

• Cynical – малку саркастичен, критичен, „не купува“ баш сè

Освен стил, можеш да подесиш и:

• колку да биде „топол“ или неутрален

• колку долги да бидат одговорите

• дали да користи емотикони или не

И најважно:
штом ќе го смениш стилот, тој важи во сите разговори.
Не мора секојпат одново да пишуваш „одговарај пократко“ и „немој емотикони“.

Практично, можеш да си направиш:

• еден ChatGPT за работа (попрoфесионален, појасен, без емотикони)

• друг mood за учење, креативни идеи и експерименти (поопуштен, духовит)

Иако формално е ист модел, начинот на кој комуницира станува многу пофлексибилен.

🔧 Интересна алатка оваа недела: ако сакаш да тестираш AI агенти без код и без комплицирање — ова ќе ти го скрати патот.

The Simplest Way to Create and Launch AI Agents and Apps

You know that AI can help you automate your work, but you just don't know how to get started.

With Lindy, you can build AI agents and apps in minutes simply by describing what you want in plain English.

→ "Create a booking platform for my business."
→ "Automate my sales outreach."
→ "Create a weekly summary about each employee's performance and send it as an email."

From inbound lead qualification to AI-powered customer support and full-blown apps, Lindy has hundreds of agents that are ready to work for you 24/7/365.

Stop doing repetitive tasks manually. Let Lindy automate workflows, save time, and grow your business

Get $20 Worth of Free Credits

Како да го тестираш GPT-5.1

Еве три идеи што можеш да ги пробаш.

1. Thinking за одлука

Постави му нешто што и тебе ти е актуелно, на пример:

Следи дали поставува паметни потпрашања, дали навистина ти помага да мислиш појасно – или само ги повторува истите информации и се врти во круг.

2. Играј си со стилови и гледај како се менува

Напиши му нешто од тип:

Постави му прашање. Потоа смени го стилот:

Постави го истото прашање и спореди ги одговорите.
Ќе видиш колку драматично се менува впечатокот – иако е истиот модел.

3. Тест за нијанси – тон, емоции и „скриени“ намери

Тука идејата е да провериш колку GPT-5.1 фаќа финеси во комуникацијата –
како пренесува тон, емоција и релации меѓу луѓе, не само суви факти.

Можеш да пробаш нешто од ова:

• порака каде треба да бидеш искрена, ама не груба

• фидбек што треба да биде и корисен и поддржувачки

• ситуација каде што имаш мешани цели: да кажеш „ова не функционира“ без да создадеш конфликт

Пример промпт:

Ова ќе ти покаже колку GPT-5.1 се снаоѓа со тон, контекст и однос меѓу луѓе –
дали само формално „средува текст“ или навистина разбира каков впечаток остава пораката.

OpenAI ја пушти и новата верзија на GPT-5.1 Codex – верзија на ChatGPT направена специјално за пишување код и градење софтвер. Наместо да помага само со текстови, идеи или истражување, Codex може да креира цели делови од апликации, да поправи грешки, да предлага подобра структура и да работи со големи проекти без да прекине. Во новата верзија најважното е што многу подобро ги следи упатствата што ќе му ги зададеш (преку agents.md), па можеш буквално да му кажеш „пишувај код вака“ и тој ќе се држи до тоа. Со огромниот контекст и подобрената стабилност, Codex 5.1 е најмоќниот AI-асистент за софтверско градење што OpenAI го има пуштено до сега – а токму првите недели по лансирањето се периодот кога работи најсилно.

GPT-5.1 не е само уште една надградба, туку чекор кон многу поприродна, попаметна и поинтуитивна интеракција со AI. Thinking моделот веќе се покажува како најдобриот „мисловен партнер“ што OpenAI го има пуштено — дава покреативни идеи, подобро ја разбира намерата, а со новите стилови можеш конечно да си го наместиш ChatGPT да звучи како што тебе ти одговара. Instant е тука за брзите задачи, а Codex 5.1 за првпат почнува да личи на вистински AI ко-девелопер. Добиваме модел што е поприроден во разговор, појасен во логика и многу поспособен да ти помогне да размислуваш, креираш и градиш. Ако некогаш било време да му дадеш уште една шанса на ChatGPT да стане дел од твоето секојдневно размислување — тоа време е токму сега.