#38 Eye2.ai ги собира сите модели на едно место

Си пробал ли еден ист промпт во различни AI? Дали добиваш исти или различни одговори? Денес ќе дознаеш многу лесно со новата бесплатна алатка! А и Halloween не е далеку, па неколку AI идеи и за тоа. (Се молат Халоувин-мрзците да го скокнат тој дел)

Идеме:

• Што е Eye2.ai и зошто вреди да го пробаш

• Во кои случаи ќе ти користи

• ПРОМПТОВИ за инспирација
  Подготвени примери што ќе ти покажат како да го извлечеш максимумот од Eye2.ai —од стартап идеи до визуелен идентитет.

• Генерирање СЛИКИ - Halloween-вибрации со Nano Banana и ChatGPT

  Два промпта за кинематографски портрети што можеш да ги пробаш веднаш.

Eye2.ai — кога повеќе мозоци мислат заедно 

Eye2.ai е бесплатна алатка каде што поставуваш едно прашање и добиваш одговори од повеќе AI модели истовремено. Наместо да скокаш помеѓу ChatGPT, Claude, Gemini и други, сè гледаш на едно место.

Најдоброто? Можеш веднаш да забележиш каде AI-моделите се согласуваат, а каде се разидуваат. Ако неколку модели дадат ист одговор, веројатноста е дека е стабилен. Ако одговорите се различни, добиваш нови идеи на кои можеби и не би помислил.

Значи не трошиш време, не трошиш пари, а добиваш попаметни одговори еден до друг споредени.

1) Прашај еднаш, добиј многу одговори

Алатката ја отстранува потребата истото прашање да го повторуваш низ различни AI платформи. Го внесуваш еднаш, а алатката го праќа до повеќе модели паралелно. Одговорите се прикажани истовремено, па заштедуваш време и нерви. Наместо повеќе табови и апликации — цел спектар перспективи со еден клик.

Ефект: заштеда на време и помала шанса да пропуштиш корисен увид што еден модел сам би го промашил.

2) Искуството личи на панел-дискусија со повеќе AI-гласови. Секој модел одговара во свој стил — некој попрецизен, друг покреативен или подетален. Добиваш различни тонови без да менуваш алатка.

Пример: „Кои се pros & cons на користење AI во образованието?“

Прашањата можеш да ги поставуваш на македонски, кај повеќето од LLMs ќе добиеш и одговор на македонски, но зависи од моделот, кај некои јазикот е подобар, а кај некои не толку успешно.

Разновидноста ги прави одговорите побогати и ти нуди различни гледишта што веднаш ја прошируваат сликата.

3) Кога се согласуваат — можеш да им веруваш

Една од најдобрите работи со Eye2.ai е кога повеќе AI-модели кажуваат исто. Тоа гради доверба.

Кога различни модели покажуваат кон ист факт или решение, тоа е силен сигнал дека можеш да им веруваш. Така штедиш време — нема бесконечно истражување: веднаш гледаш кои точки се стабилни.

Воедно, полесно ги филтрираш послабите или случајни одговори кои не се појавуваат конзистентно.

Резултат: носиш одлуки со поголема сигурност, затоа што јасно гледаш каде е „јадрото“ на согласувањето.

Пример: „Кои се топ 5 програмски јазици за учење во 2025?“

Одлуките стануваат полесни затоа што знаеш кому да веруваш без да копаш до бескрај.

4) Споредба и одлуки

Промпт: „Кое е подобро место за живеење : Македонија или Германија? Спореди цена, здравствен и образовен систем и стил на живот.“

Кога ќе ги добиеш одговорите, веднаш гледаш кои критериуми ги нагласува секој модел — еден зборува за трошоци, друг за здравство, трет за квалитет на живот. Наместо една вистина, добиваш неколку перспективи што се надополнуваат. Така споредбата станува побрза, појасна и многу посмислена.

5) Креативни и уникатни идеи

Секој AI има свои јаки страни: некој е фактографски, друг креативен, трет предлага алтернативни пристапи. Со споредување на одговорите, Eye2.ai често изнесува неочекувани идеи — мешавина од логика и имагинација.

Каде ќе ти помогне Eye2.ai:

• Кога сакаш да добиеш повеќе страни на исто прашање — од фактографски до креативни.

• За бреинсторминг на блог/LinkedIn содржини, taglines и идеи за брендирање.

• За споредба на стилови на пишување (професионален, неформален, креативен).

• За мислења и стратегии во бизнис и кариера — кога ти треба втор (или трет) AI-глас.

• За валидација на факти, дефиниции, процеси и технички чекори во workflow.

• За споредување сложени теми, концепти или модели што нудат различни перспективи.

• За анализа, споредба и одлуки засновани на повеќе извори — од животен стил до финансии.

Оваа мешавина на практичност + креативност го прави Eye2.ai одличен партнер за brainstorming — далеку од еден „стандардизиран“ одговор.

Пример ПРОМПТОВИ што можеш да ги пробаш

1️⃣ Нови идеи за мал бизнис или стартап во Македонија
„Предложи 5 идеи за мал бизнис во {област}. За секоја идеја напиши:
– Кој би ја користел,
– Зошто вреди да се почне сега,
– Како би ја тестирав за 2 недели,
– Како би стигнал до првите 50 клиенти,
– Кои ризици треба да ги имам предвид.“

2️⃣ Решенија со ограничен буџет
„Предложи 3 начини да го решам проблемот {опиши проблем} со буџет до 100 евра.
Избегнувај реклами и платени промоции – фокусирај се на креативни партнерства и бесплатни алатки.“

3️⃣ Мали навики за повеќе продуктивност
„Дади 3 дневни навики (по 10 минути) што ќе ми помогнат да бидам пофокусиран/а на работа.
Објасни зошто функционираат и како ќе го почувствувам ефектот за една недела.“

4️⃣ Визуелен стил за мој бренд
„Опиши 4 можни насоки за изглед на бренд {име или тема}:
– какви бои да користам,
– каков фонт би одговарал,
– какви фотографии или илустрации создаваат вистинска атмосфера,
– и додади еден пример што намерно крши правила.“

5️⃣ Пет различни решенија за ист предизвик
„Предложи 5 сосема различни начини да се реши {проблем}.
Објасни за секој пристап кога е најкорисен и кога не би го препорачал.“

6️⃣ Како размислува мојот клиент (или студент)
„Опиши 6 типични задачи што треба да ги заврши {персона} кога се обидува да постигне {цел}.
За секоја: предложи едноставно, креативно и најскалабилно решение — со краток тест што може да се проба за 2 дена.“

7️⃣ Турнир на идеи (во табела)
„Создади 8 идеи за {цел} и спореди ги според:
– новина,
– влијание,
– сложеност,
– цена,
– и првиот чекор што можам да го направам утре.
На крај додади 1 „џокер“ идеја со висок ризик и голема награда.“

8️⃣ Пренесување идеи од една област во друга
„Пренеси 4 корисни практики од {индустрија А} во {индустрија Б} за да се реши {проблем}.
Објасни што точно се пренесува, како да се прилагоди на локален контекст и што треба да внимавам.“

9️⃣ Идеи за содржина (блог, Instagram, LinkedIn)
„Смисли 10 можни теми за текст или објава на тема {тема}:
неколку што рушат митови, неколку со чекор-по-чекор совети,
една што раскажува лична приказна и една со поостар став.“

🔟 Размислување од двете страни (AI debate mode 😉)
„За тезата {твоја идеја}, напиши 3 најсилни аргументи ‘за’ и 3 ‘против’.
Додади 2 ризици и 2 услови под кои би го сменил/а своето мислење,
па заврши со краток личен заклучок во 3 реченици.“

 Генерирање слики

И секогаш нè фасцинира леснотијата со која може да се создаде визуелна содржина со AI.

Оваа недела пробај вака:

Истиот процес од погоре со следниов промпт: