#37 Atlas-Новиот browser на OpenAI

Во кој browser си ти? Кому си му верен?
И дали би го предал – ако новиот може да зборува со тебе, а притоа и сам да кликa?

OpenAI го претстави ChatGPT Atlas – browser кој не само што покажува страници, туку и зборува, памти и делува.

1. Што всушност е ChatGPT Atlas?

2. Главните функции

3. Достапност и ограничувања

4. Првите реакции

5. Видео-демо и реална употреба
   

  Што е ChatGPT Atlas

🧭 ChatGPT Atlas: кога прелистувачот ќе проговори

„Добро утро. Денес го лансираме ChatGPT Atlas, нашиот нов веб-прелистувач.“
Со овие зборови почна нешто што OpenAI го нарече нова ера на интернетот. И не е претерано да се каже — Atlas не е само уште еден Chrome-клониран прелистувач. Тој е обид да се редизајнира самата идеја на тоа што значи да пребаруваш, да работиш, и да живееш на вебот.

Што точно добиваш со Atlas?

• 1. Chat секаде.
  Atlas го претвора ChatGPT во твој постојан придружник. Без копирање текстови, без отворање нов таб. Пишуваш мејл, поправаш текст или бараш информација — сè можеш да го прашаш на самото место.

  2. Browser меморија.
  Прелистувачот памети контекст. Ако некогаш си се запрашал „каде го видов оној документ за дизајнот на Atlas“, можеш едноставно да кажеш “search web history for a doc about Atlas core design.”
  И ќе го најде. Не според клучни зборови, туку според значење.

  3. Agent Mode.
  Највозбудливиот дел. Atlas му дава на ChatGPT курсoр — можност да кликне, да пополни форма, да направи резервација, да додаде задачи во Linear или производи во Instacart.

  Во демото, агентот буквално управува со табовите, пополнува задачи, додава коментари во Google Docs.

А кога уредуваш мејл, доволно е да го обележиш текстот и да напишеш “tidy my language.” Atlas го поправа директно — таму каде што пишуваш. Нема копирање, нема преминување во друг прозорец. Тоа го нарекуваат Cursor Chat, а чувството е како ChatGPT да седи покрај тебе и да го допишува текстот заедно со тебе.

Достапност: дали е применлив на Windows? Дали сите можат да го користат?

• macOS: достапен денес глобално.

• Windows / iOS / Android: најавено за наскоро од OpenAI).

• Кој има пристап?

  • Atlas (браузерот): Free, Plus, Pro, Go на macOS (денес).

  • Agent Mode: во преглед за Plus/Pro/Business (на старт).

• Да, можеш да го симнеш и ако си Free корисник на Mac.

Што вели публиката?

Во првите часови од објавата, коментарите не се многу позитивни:

• „Има ли ad-blocker?

• „Зошто нема Windows на лансирање? Microsoft е инвеститор!“

• „Вертикални табови?“

• „Дали сега ќе мора да мислам на токени/квоти додека само сурфам?“

• „Баш за рецептите ова ми требаше“

• „Ни снема податоци, па ајде да се ‘приклучиме’ на сè што правиш во браузерот“

Овие прашања се валидни: OpenAI се уште не го позиционираше Atlas како „ad-blocking“ прелистувач (ниеден од официјалните материјали за лансирање не спомнува вграден ad-blocker), и стартот е првин на macOS, со ветување за Windows и мобилните „наскоро“.

Како се споредува со Perplexity Comet и Google/Chrome?

• Comet (Perplexity): исто вградува асистент во прелистувањето и го „расправа“ вебот како разговор; истата насока — агентско сурфање. Atlas пак иде чекор подалеку со јасно демонстриран Agent Mode вграден во самиот прелистувач.

• Google/Chrome: Google веќе вметнува Gemini во Chrome, но Chrome традиционално е „прво пребарувач + табови“. Atlas тргнува од спротивната страна: прво чат/агент, па потоа класично сурфање.

Директно од креаторите на Атлас

Како изгледа работата со Атлас