#35 Водич за автоматизација на работни процеси со Perplexity Comet

Во минатото издание зборувавме за AI агенти — како ChatGPT агентите можат да извршуваат задачи наместо нас. Денес ќе направиме чекор понатаму — ќе видиме како Perplexity Comet го претвора целиот твој прелистувач во агент што сам истражува, клика и автоматизира работни процеси.

Дознај:

• Што е Perplexity и како функционира

• Што е Comet — кога стана достапен и што може да направи

• Најмоќни употреби на Comet агентот

• 🎧 Слушни го водичот
  Ако немаш време за читање, пушти го видеото и слушај го целото издание

• Приватност и препораки

Што е Perplexity и како функционира?

Perplexity работи на принципот „AI со докази“ — секогаш наведува извори и користи податоци во реално време.
Тоа значи дека не „измислува“ информации, туку ги гради врз проверени факти.

Главни делови од интерфејсот:

• Home — внесуваш прашање или задача

• Discover — централен дел за вести и трендови од светот

• Spaces — простори за теми како патувања, технологија, инвестиции

• Labs — место за напредни корисници каде можеш да создаваш мини-апликации и агенти што работат наместо тебе

Perplexity овозможува пребарување по различни категории — од целиот интернет, преку академски трудови и социјални дискусии, до финансиски извештаи. Со ова можеш да го насочиш моделот кон најрелевантните извори за твоето истражување.

Перплекcити им овозможува на корисниците да изберат со кој AI модел ќе работат — GPT-5, Claude, Gemini, Grok и други. Така можеш свесно да одбереш стил на размислување и анализа што најмногу ти одговара за задачата.

Иако и Perplexity и ChatGPT користат генеративна интелигенција, тие имаат различна филозофија.
Perplexity е истражувач — фокусиран на реални податоци и проверливи извори.
ChatGPT е креатор — одличен за пишување, идеи и разговори.

ChatGPT размислува и создава, Perplexity проверува и потврдува.

 Што е Comet — кога стана достапен и што може да направи

Comet е нов тип на прелистувач создаден од Perplexity. Не е класичен browser — тоа е AI-агентски прелистувач (agentic browser) кој може автономно да извршува задачи: да кликне, да скролува, да пополни форми и да навигира низ страници наместо тебе.

Со Comet доаѓа и Comet Assistant, вграден агент што „гледа“ што е прикажано на страницата и може да резимира текст, да одговара на прашања, да преведува или дури да управува со табови.

Comet е изграден врз Chromium, истиот мотор што го користи Google Chrome, па поддржува екстензии и функции познати на секој Chrome корисник.

Кога стана достапен?

Првично, Comet беше достапен само за Perplexity Max корисници со покани (invite-only).
Но, од октомври 2025, Perplexity го направи достапен бесплатно за сите, без листа на чекање.

Што може да прави Comet?

Comet комбинира функции на прелистувач, агент и асистент.
Неколку од највпечатливите можности:

Најмоќни употреби на Comet агентот

1️⃣ Live Marketing Intelligence агент

Comet може во реално време да споредува конкуренција — истовремено анализира повеќе веб-страници, извлекува клучни податоци и ги обединува во извештај.
На пример, можеш да ги отвориш страниците на два конкуренти, да напишеш промпт како „Спореди ги клучните страници и стратегијата на производите“, и агентот ќе прелиста, спореди и извлече заклучоци — па дури и ќе ги извезе резултатите директно во Google Docs.

2️⃣ Research агент

Овој агент е совршен за справување со хаосот од десетици отворени табови.
Comet може автоматски да ги групира релевантните страници во тематски работни простори (workspaces), да ги прочита, анализира и идентификува заедничките теми, а потоа да направи краток и јасен преглед.
Дополнително, можеш да креираш shortcut-команди за повторна употреба — на пример: „Собери ги најважните технолошки трендови од овие табови“.

3️⃣ Fact-check агент

Кога читаш нешто онлајн, доволно е да копираш тврдење и да му кажеш на Comet:
„Провери дали ова е точно и најди извор.“
Агентот веднаш ќе направи проверка на факти во реално време, користејќи релевантни и доверливи извори — идеално за новинари, истражувачи и маркетери што сакаат прецизност, а не шпекулации.

4️⃣ News Synthesizer агент

Comet може автоматски да собира и ажурира неделни извештаи со најважните новости, на пример во Notion база.
Доволно е да напишеш:
„Најди ги топ 5 AI и SEO вести од оваа недела и ажурирај ја базата.“
Агентот ги внесува темите по датум, а можеш и да го закажеш како неделна задача што се извршува сама.

5️⃣ Leads Monitoring агент

Ако имаш агенција или нудиш услуга, Comet може да биде твојот ловец на потенцијални клиенти.
Пример:
„Прегледај ги Reddit форумите за SEO теми од последните 7 дена и најди корисници што бараат помош со оптимизација.“
Агентот потоа ќе ти испрати е-пошта со кратко резиме и линкови до релевантните дискусии — практично автоматизиран систем за следење на пазарни можности.

6️⃣ Sales Prospecting агент

Comet може да најде компании што се совпаѓаат со твојот идеален клиентски профил, користејќи филтри како големина, раст, локација или индустрија.
Потоа автоматски подготвува персонализирани е-пораки и ги зачувува како драфтови во Gmail, подготвени за финален преглед и испраќање.
Вака добиваш целосно автоматизиран процес за истражување и прв контакт.

7️⃣ Audience Research агент

Овој агент ја претвора Comet во истражувач на публиката.
Пребарува Reddit, YouTube и други платформи за вистински коментари, болки и потреби на корисниците.
Резултатите ги категоризира и извезува во Google Sheets — совршено за градење buyer persona, подобрување на маркетинг пораките или креирање веб-страници што навистина одговараат на реалните проблеми на клиентите.

8️⃣ Content Brief & SEO агент

Comet може да анализира резултати од Google AI Search (SGE) — нешто што ChatGPT сè уште не може.
Ги отвора сите цитирани страници, ги анализира шаблоните и создава SEO content brief со препораки за структура, наслови и клучни зборови.
Совршен алат за креирање содржина што се рангира високо без рачно копирање податоци.

9️⃣ Conversion Optimization агент

Овој агент е одличен за е-комерц, SaaS или сервисни бизниси.
Може да следи документ со упатства за аудит, да ги посети страниците на конкуренцијата, да симулира купување и да направи детална анализа на слабите точки во продажниот процес.
Потоа дава топ 5 препораки за подобрување — од корисничко искуство (UX) до доверливост и стил на копирање.

🔟 Talent Sourcing & Executive Assistant агент

Comet може да пребарува работни портали според специфични критериуми (вештини, искуство, локација) и да состави табела со најсоодветни кандидати.
Дополнително, можеш да го поврзеш со Google Workspace, каде ќе делува како личен асистент — подготвува резиме за состаноци, истражува компании, наоѓа конференции и дури ги додава на календар со опис и линк.
Со ова, Comet станува вистински дигитален колега што не заборава ништо.