#31 Nano Banana, ElevenLabs и Chatterbox – што ќе создадеш денес?

Денес одиме повеќе со звук и слика. 3 прашања одма да си ги одговориш - ако минимум едно е „не“-продожи да читаш💡:

• Дали користиш ElevenLabs?

• Дали знаеш за неговата замена Chatterbox?

• Дали знаеш што можеш да правиш со NANO BANANA на Google?

 ElevenLabs: лидер во текст-во-говор технологијата

Што е ElevenLabs?
ElevenLabs е напредна платформа за текст-во‑говор, која создава звучни фајлови со неверојатно реалистичен говор, богата интонација и емоција. Поддржува над 70 јазици и нуди API за интеграција во апликации, како и алатки за клонирање на глас, dubbing и AI агенти со глас, сите прилагодени за различни стилови и ситуациони потреби.

Зошто е посебна?

• Реализам: „Voice AI“ од ElevenLabs ја разбира контекстуалната содржина и знае да ја приспособи интонацијата, па гласот звучи природно и речиси човечки.

• Голема популарност и инвестиции: Основана во 2022, компанијата има глобална употреба во медиуми, публикации и аудио продукција.

• Безбедносни мерки: За да ја спречи злоупотребата, вовеле класификација на вештачки гласови и барање кредитна картичка за клонирање.

Пробај ја апликацијата https://elevenlabs.io/

 Chatterbox: open-source алтернатива

Што е Chatterbox?
Chatterbox e open‑source модел за текст-во‑говор од Resemble AI, излезен со MIT лиценца. Со оваа алатка можеш да генерираш природен глас од текст, но и да го прилагодиш тонот и емоцијата.

Тоа што е open-source (MIT лиценца) значи дека секој може да ја симне, користи или модифицира без да плаќа претплата.

Ако ја користиш директно на нивниот сајт, не мора секогаш да си на претплата. Ако почнеш повеќе да произведуваш, се купува кредит 16.000 секунди се $5.

Овде слушнете примероци-Како звучат познатите реплики од Pulp Fiction, Gladiator, Network (“I’m mad as hell") и многу други: https://resemble-ai.github.io/chatterbox_demopage/

А овде за сите спецификации https://x.com/heysehajsingh/status/1962108226536910917

Намената на двете апликации е иста - се користат најчесто за аудио-книги, видеа, подкасти, вежби за часови и сл. За ElevenLabs се тврди дека има подобро клонирање на глас.

Задача: Отвори една од алатките, направи обид: одбери глас, одбери јазик, напиши неколку реченици и генерирај звук!

 TOP BANANA?

Изминатава недела врева крена новиот модел на Google, “Nano Banana” кој всушност е моделот Gemini 2.5 Flash Image. Веќе е достапен во Gemini апликацијата – со 100 бесплатни уредувања дневно за сите, и многу повеќе за премиум корисници.

✨ Она што порано го правеа само професионални дизајнери со години искуство, сега е можно со едноставен текстуален опис. А ако сакаш уште повеќе – има и начини сликата да ја оживееш во видео со други AI алатки.

👉 Пробај директно овде: Nano Banana

А еве што сѐ можеш да правиш. Некои примери стварно не се за верување:

1. Автоматско додавање информации на реални фотографии

• Замисли дека имаш слика од град, зграда или споменик.

• Ја ставаш во Nano Banana.

• Му даваш инструкција: „Означи ги важните места на оваа фотографија и додај информации за нив.“

• Моделот автоматски ќе додаде ознаки и опис.

👉 Ова е како мини AR (Augmented Reality) генератор: сликаш нешто, а AI веднаш го објаснува.

2. Означи на мапа и создади

Друг креативен начин на користење на Nano Banana е со Google Maps.
Провери го Simon на X како едно едноставно прашање – „Што гледа црвената стрела?“ – прави чуда.

👉 Вака оди:

• На Google Maps поставуваш црвена стрела што покажува кон одредена точка.

• Со Nano Banana ја прашуваш: „Што гледа оваа стрела?“

• Моделот веднаш создава реална фотографија од таа перспектива.

📌 Овој трик отвора сосема нов начин за истражување на мапи и простори – од туристички патувања до визуелни прикази за учење и презентации.

Најлудо од сѐ е што можеш да поставиш и стара или измислена мапа, и повторно да ти генерира слика 🙃 

3. За реставрација и колоризација на фотографии

4. Пробај ја облеката!

5. Комбинирај елементи во една слика

Можеш да побараш да ти искомбинира повеќе елементи во една слика/композиција и сѐ тоа да изгледа како оригинал.

6. Може да создаде и видеа.

👉 Направи видео базирано само на една фотографија. Види го примерот на линкот подолу.
Она што е импресивно е како моделот ја задржува конзистентноста: ликот изгледа ист, а и малите детали (како кошулата и капата) остануваат верни во секоја сцена.

Целиот процес ТУКА

📌 Ова значи дека со само една статична слика можеш да добиеш динамична приказна – корисно за:

• брзи креативни проекти,

• анимации за презентации,

• па дури и лични видеа без снимање.

Со upload на нашето лого и една кратка реченица за 5 сек:

Може ли сѐ ова што се ветува да се направи со еден промпт?

Еден од корисниците вели дека 50% од барањата апликацијата не ги исполнува.

Читај ТУКА

Или изгледај го туторијалот и види како да го користиш Nano Banana за сите use-cases, и почни да пробуваш сам 🙂 

Твоите примери ги чекаме на мејл или директно на нашите соц.мрежи.