• aitekka
  • Posts
  • #25 AI промптови за твојот LinkedIn и CV

#25 AI промптови за твојот LinkedIn и CV

Практични промптови за да го средиш својот дигитален прв впечаток

August 04, 2025

In partnership with

Колку време ги немаш пипнато профилот на LinkedIn и твоето CV? Нема потреба да се мачиш сам. Со вистинските промптови и малку поддршка од AI, можеш брзо и лесно да го подобриш својот профил и CV.

 На дневен ред:

  • Како да го оптимизираш твојот LinkedIn профил

    • Состави подобри „About“, „headline“, SEO на LinkedIn профил, креирање објави и подобра видливост

    • 10 промпта

  • Како да изградиш или подобриш CV со AI

    • Подготовка и прилагодување според оглас и компанија, преработка на искуствата, превод

    • 10 промпта 

  • Готови GPTs за пишување CV

  • Задача за тебе

Пред да почнеме: Ако нешто ти било корисно од овие 25 изданија – и мислиш дека и некој друг треба да знае– сподели или препорачај нѐ-директно горе десно можеш да кликнеш за на социјални мрежи, или едноставно прати им го линкот: aitekka.com Повеќе читатели значат повеќе идеи, а тоа води кон подобра содржина за сите нас 🤝😊

Почнуваме…

Совет за сите промптови понудени денес:

  1. Секогаш додади на промптот: „Дај ми го резултатот на АНГЛИСКИ“ ако го правиш профилот/CV-то на англиски.

  2. Во секое време на ChatGPT наместо текст можеш да му дадеш слика (screenshot) од било кој сегмент од твојот профил (или CV) заедно со промптот.

LinkedIn е твојот дигитален прв впечаток, мрежа на можности, и алатка за личен бренд.
Ако не те претставува најдобро што може – губиш прилики, клиенти или интервјуа што можеби би ги добил.

Со овие промптови, AI може да ти помогне да го оптимизираш својот профил

Подобри ја секцијата „About“ (резиме)

Промпт 1: 

Еве го мојот дел „About“ на LinkedIn: [вметни текст]. Сакам да звучи попрофесионално, со јасна порака, но да не изгуби личен тон. Преработи го така што ќе вклучува:
– што работам,
– што ме мотивира,
– и кој тип на соработки ме интересира.

Направи впечатлив headline (наслов под името)

Промпт 2:

Предложи ми 5 headline-и за мојот LinkedIn профил. Работам како [на пр. UX дизајнер], но сакам да истакнам и дека сум специјализиран/а за [пример: e-commerce или SaaS], и отворен/а сум за консултации. Сакам headline-от да звучи динамично, но јасно.

За проверка на тонот и јасноста

Промпт 3:

Прочитај го мојот профил (About + headline) и кажи дали се усогласени во тон и порака. Сакам да звучам [професионално, топло, амбициозно]. Дали се пренесува тоа? Предложи подобрувања.

Оптимизирај опис на работни искуства

Промпт 4:

Ова е описот за мојата последна работна позиција: [вметни]. Сакам да го преработам така што ќе ги истакне:
– конкретните резултати,
– научените вештини,
– и придонесот кон тимот/проектот.
Напиши ми подобрена верзија.

SEO на LinkedIn профилот (Промпт за оптимизација)

LinkedIn функционира како Google – алгоритмот те рангира според клучни зборови. Ако сакаш да бидеш најден како „UX дизајнер“ или „data analyst“, тој израз треба да се појави:

  • во заглавието (headline)

  • во секцијата „About“

  • во името на работната позиција

  • во описите на работните искуства

Промпт 5:

Помогни ми да го оптимизирам профилот со вистинските клучни зборови. Работам како [професија], и сакам да се појавувам во пребарувањата за [клучни зборови]. Прегледај ги моите headline, опис и искуства и предложи подобрувања.

Вклучи мерливи резултати

Промпт 6:

Преработи го мојот опис на работна позиција со фокус на резултати (пр. зголемени приходи, подобрена ефикасност). Додај вредност и конкретност.

Напиши воведен пост што ќе биде интересен и привлечен

Промпт 7:

Сакам да направам краток LinkedIn пост за да ја најавам новата верзија на мојот профил – со тон кој е искрен, професионален и мотивирачки. Вклучи: што научив досега, што барам или нудам сега, и повик за соработка или поврзување.

Промпт 8:

Напиши ми LinkedIn пост со следната структура: hook, body, CTA. Темата е [мој нов проект / учење / искуство]. Сакам да звучи автентично и да ги поттикне луѓето на поврзување или коментар.

Идеи за подобрување на видливоста

Промпт 9:

Предложи ми 3 идеи за објави што ќе привлечат внимание и ќе ми донесат повеќе посетители на профилот. Работам во [област] и сакам да звучам [топло, стручно, ангажирано].

Промпт 10:

Дај ми 3 совети за да го зголемам reach-от и посетите на мојот LinkedIn профил. Сакам да започнам да споделувам содржина, но не знам од каде. Работам во [област].

*Потсетување: Резултатите не се секогаш совршени. Провери дали се јазично точни, дали звучат природно, и слободно преработи ако можеш да го кажеш истото на подобар начин.

Сегментот за CV веднаш под рекламата👇

Burned out by the news? There’s a better way.

Outrage headlines. Never-ending feeds. Everyone shouting, no one listening.

Keeping up with political news today can feel more like emotional labor than staying informed. That’s why Tangle exists.

Tangle is an independent, nonpartisan newsletter that covers one major political story each day. It breaks down the facts, shows how the left, right, and center are talking about it, and adds clear, honest analysis — without the spin, hysteria, or bias.

No sides to pick. Just clear, honest analysis from an independent source — all in under 10 minutes a day.

More than 400,000 readers — no matter their politics — trust Tangle to get the full picture and stay informed without getting burnt out.

If you’re tired of feeling overwhelmed by the news — but still want to understand what’s really happening — give Tangle a try.

Секој што некогаш аплицирал за работа знае колку е фрустрирачко чувството да не добиеш одговор.
Просечно, HR менаџерите минуваат околу 7 секунди прелистувајќи едно CV. А софтверите што ги користат (ATS системи) често автоматски ги филтрираат апликациите што не го користат „вистинскиот“ речник.

Но денес, со помош на AI, можеш не само да го напишеш свое CV побрзо – туку и да го прилагодиш совршено на работната позиција што ја сакаш.

Прво што можеш да направиш е да отвориш нов разговор во ChatGPT, да го прикачиш твоето тековно CV и да прашаш:

Ова е моето тековно CV. Кои делови можам да ги подобрам за да изгледа попрофесионално и помодерно?

Или чекор по чекор следи ги овие промптови:

Фаза I: Подготовка

Започни сесија (chat) во ChatGPT

Промпт 1:

Сакам да го преработам моето CV и ми треба твоја помош. Ќе имаш улога на професионален автор на CV-а, со искуство во јасна и стручна формулација, прилагодена на конкретна работна позиција. Ќе го прикажеш моето искуство како решение на проблемите на компанијата.

Додади го описот на работата

Промпт 2:

Ова е описот на позицијата за која аплицирам: [внеси опис] Прочитај го внимателно и искористи го во следните чекори.

Додади информации за компанијата

Промпт 3:

Еве информации за компанијата:
Име: [внеси име]
Опис од веб-страницата: [внеси текст]
Други детали: [внеси технологија, производи, клиенти итн.]
Земи го ова предвид при пренапишувањето на моето искуство.

*Тука можеш да додадеш и линк до компанијата

Фаза II: Препишување и прилагодување

Подготви го ChatGPT за работното искуство

Промпт 4:

Ќе ти испратам делови од моето CV. Сакам секој пасус да го претвориш во 1 до 2 bullet точки, .и користи термини што се појавуваат во описот на работната позиција..

За секое работно искуство

Промпт 5:

Напиши го ова искуство како bullet точка, користејќи резултати и конкретни бројки. Почни со глагол, објасни ја задачата, и заврши со резултат. [внеси искуство]

(Повтори го овој чекор за секое работно искуство.)

Фаза III: Додавање технички вештини и експертиза

Вештини

Промпт 6:

Кои се најважните технички вештини за позицијата [внеси наслов]? Кои од нив ми даваат предност?

➡️ Избери 3 за врвот на CV-то во формат:
Skill 1 | Skill 2 | Skill 3

➡️ Избери уште 4–5 за делот „Технички вештини“ како bullet точки.

Подрачја на експертиза

Промпт 7:

Кои се најчестите области на експертиза за [позицијата]? Додади ми 3–5 што се релевантни за мене.

Фаза IV: Summary + Финално дотерување

Професионално резиме -

Промпт 8:

Врз основа на моето CV и описот на позицијата, напиши 5–7 реченици како професионално резиме. Спомни колку години искуство имам во [внеси индустрија], и објасни како моето искуство ги решава проблемите на [име на компанија].

Проверка:

Промпт 9:

[Прикачи го новото CV] Што недостасува во моето CV за позицијата [внеси позиција]? Кои вештини/искуства треба да ги вметнам дополнително?

➡️ Вметни ги овие предлози во твоите 2 најнови работни искуства.

Побарај го и на англиски

Промпт 10:  

Преведи го моето CV на англиски јазик, прилагодено за интернационални огласи.

Што можеш друго да пробаш денес? Во ChatGPT, ако одиш од левата страна и ги отвориш (Explore)GPTs, почни да пишуваш CV во “Search”, и ќе ти излезат веќе готови GPTs кои се интсруирани да ти помогнат со твоето CV.

Или директно пробај го овој CustomGPT (кликни на сликата):

Задача 1: ВЕДНАШ ископирај ја секцијата “About” од твојот LinkedIn профил. Стави го текстот (или сликата-рековме може и “screenshot”) во ChatGPT и искористи го првиот промпт од денешното издание.

Задача 2: Отвори LinkedIN во еден прозор, ChatGPT во друг, и нашиот мејл во трет 🙂 Употреби ги сите 10 промпта што ти ги дадовме 💪 

Го провери ли нашиот дигитален асистент? Може лесно и брзо да те води низ нашите изданија. На пр. прашај: „Во кое издание можам да најдам промптови за мојот бизнис?“ Достапен на овој ЛИНК.

СЛЕДНИТЕ ИЗДАНИЈА : Ти должиме: како да го оптимизираш ТВОЈОТ ВЕБСАЈТ со AI – редизајн, текстови, подобро пласирање на Google search (SEO). Планираме да разработиме подетално за workflows и АГЕНТИ.

Имаш нешто конкретно што ти се допадна или недостасуваше?
После гласањето, слободно напиши краток коментар!

Пиши ни ако сакаш да бидеш и ко-автор на некои од следните изданија.

Се читаме наскоро,

Тимот на aitekka

Reply

or to participate.