#18 Следното ниво со ChatGPT: водич, примери и тајни конектори

Имаме уште работа со ChatGPT. Минатиот пат заборувавме за скриените функции, застанавме до конекторите. Ти ветивме и водич за користење.

Денес ќе најдеш

• Поврзување на ChatGPT со Gmail, Google Drive, GitHub, HubSpot и други (со преземање на водичот)

• Како да пишуваш поефективни промптови

• Превземи „Предлог за пишување промптови“ – за подобри резултати

• Примери на практични промптови

• Генерирање слики со AI – визуелно и забавно

КОНЕКТОРИ

Што се всушност ChatGPT Connectors? Тие се напредна функција достапна за корисници со ChatGPT Plus (или повисоки планови), која овозможува ChatGPT да се поврзе со твоите надворешни извори – како Google Drive, Gmail, Dropbox, GitHub, Outlook, Microsoft Teams итн.

Со тоа:

• Може да чита PDF, Excel или Word документи од твојот Drive

• Да пребарува низ мејлови, да сумира пораки или да извлече клучни податоци

• Да ти помогне со извештаи врз основа на податоци од табели

• Да состави нов документ врз основа на шаблон кој ти го имаш

Колку е ова безбедно? ChatGPT има само read-only пристап, ги почитува дозволите на документите и не праќа ништо без твоја дозвола.

Превземи го документот со целосното објаснување и конкретни примери 👇

ПОДОБРИ ПРОМПТОВИ

И нема бегање : Без добар промпт, не можеш максимално да ги искористиш можностите на било кое AI. Во нашиот водич за AI (кој го доби со првиот welcome mail) веќе ги објаснивме основите на креирање добар промпт (prompt engineering). Денес ќе ти дадеме повеќе опции што можеш да ги вметнеш во твојот промпт за подобри резултати. Освен доделување улога, има и други детали кои можеш да ги поставиш во промптот за да добиеш уште попрецизен резултат.

СТИЛ НА ПИШУВАЊЕ (За да му кажеш на моделот каков тип текст сакаш)

ГЛАГОЛИ (почни го промптот со дејство)

ГЛАС („Карактерот“ на текстот – како да зборува текстот)

ТОН (Емоционалната боја и ставот на текстот)

КОНТЕКСТ (Податоците, публиката, околностите или ограничувањата околу задачата)

Еве како изгледа ова во пракса:

1. Избери улога за моделот

Почни со:
„Преземи ја улогата на…“
Примери:

• наставник по англиски јазик

• маркетинг експерт

• туристички водич

• родител кој објаснува нешто на дете

2. Додај глагол, излез и цел

Според формулата:

ГЛАГОЛ + ИЗЛЕЗ + ЦЕЛ

Примери:

• Создај инфографик за користење на AI во образованието

• Истражи нови трендови со цел подобрување на содржини за социјални мрежи

• Напиши скрипта за кратко видео кое го објаснува поимот „емпатија“

3. Одреди стил на пишување, глас и тон

Стил: На пример „новинарски“, „едноставен“, „научен“, „рефлексивен“
Глас: Дали звучиш формално, пријателски, ентузијастички, смирено?
Тон: Дали сакаш текстот да биде аналитички, носталгичен, мотивациски?

4. Додади контекст

Контекстот му помага на моделот да разбере:

• На кого му е наменет текстот?

• Што веќе знае публиката?

• Дали има ограничувања (време, должина, ниво)?

• Дали постои одредена цел или предизвик?

Пример:

Како сѐ ова да користам?

1. Улога – Кој треба да зборува?

2. Глагол + Излез + Цел – Што да направи, каков тип содржина, со која намера?

3. Стил / Глас / Тон – Како да звучи?

4. Контекст – За кого, во која ситуација, со кои ограничувања?

Ова нека ти послужи како идеја, сигурно ќе ти текнат многу други варијанти.

✅ Пример 1: За образовен билтен

Улога: Наставник по англиски
Глагол: Напиши
Излез: Писмо до родителите
Цел: Информирање за новиот проект во училиштето
Стил: Информативен
Глас: Искрен
Тон: Оптимистичен
Контекст: Родителите на ученици од 6. одделение, кои ретко добиваат е-пошта и сакаме да ги мотивираме да бидат поангажирани

🧠 Финален промпт:

Можеш ли сам да ги идентификуваш сите елементи од промптот?

✅ Пример 2: За Canva пост на Facebook

✅Пример 3: За видео скрипта за здрава храна на TikTok

Доста учевме, ај сеа малце лабаво. Следниве промптови можеш да ги адаптираш по свое и внеси ги во ChatGPT.