#17 Откриј што сè може ChatGPT

Овој пат го истражуваме ChatGPT со сите негови познати и помалку познати карактеристики.

Со ChatGPT:

• Сподели екран и камера

• Прилагоди го да личи на тебе

• Контролирај ја меморијата

• Користи или креирај свои GPT асистенти

• Генерираj слики и видеа (Sora)

• Користи го за кодирање

• Заврши работи со Operator

ChatGPT

Пред да му зададеме нови задачи на ChatGPT – да се потсетиме како се поставува добар промпт

Еден добар промпт секогаш содржи:

• Јасна задача

• Контекст (ако е потребно)

• Тон или формат што го очекуваш (на пр. „формално“, „како блог пост“)

ChatGPT не е само за промптови!

Повеќето луѓе го користат ChatGPT како место каде што прашуваат нешто и добиваат одговор. Но платформата крие цела палета на алатки и функции што не ги гледаме на прв поглед.

📌 Денес ќе ги истражиме сите тие можности – од памтење разговори до правење видеа и креирање асистенти.

Сподели екран (Screen Share)

Сега за сега само преку мобилната апликација можеш да му дозволиш на ChatGPT да гледа што правиш на екранот – исто како што кажавме минатиот пат за во Google AI Studio – за помош, упатства или соработка.

Отвори ChatGPT, од десно долу кликни на “Advanced voice mode“, потоа на трите точки и одбери што да споделиш. Потоа ChatGPT ќе има пристап до твојот екран и ќе може да ти помогне со сè, или да соработува со тебе на која било задача.

Споделување преку камера

Исто така можеш да покажеш предмети со предна/задна камера – на пример, ја насочуваш камерата кон некој производ и бараш опис или објаснување на производот. Или кон куче и прашуваш „Која раса е ова?“ 😃 Или кон лекови и бараш појаснување 🤧

Исто како претходно, кликаш на „Advanced voice mode“, потоа кликаш на иконата со камера – и ќе се појават сите достапни камери.

Прилагоди го ChatGPT според тебе

Како да ја контролираш меморијата

Mожеш да контролираш што ChatGPT се сеќава од претходните разговори – можеш да избришеш нешто, или да му дозволиш да памети сè. Оди горе во десниот агол, кликни „Settings“, потоа „Personalization“. Ќе го видиш делот „Reference chat history“. Ако сакаш ChatGPT да ги памети претходните разговори, вклучи го тоа.

Ако кликнеш на „Manage memories“ – таму ги гледаш сите работи што ги памети.
Избриши тоа што не сакаш да се памети.

Користи Temporary Chat ако не сакаш нешто да се памети од старт. Тоа е како „инкогнито прозорец“ – разговорот нема да се снима. Прашуваш еднаш и ништо не останува во меморија.

Прeбарување

Ако редовно користиш ChatGPT, веќе имаш десетици разговори од левата страна. Можеш и да пребаруваш низ разговорите ( “Search chats”), а во Library, ги гледаш сите слики и видеа што си ги направил со ChatGPT – можеш да ги споделиш или користиш повторно.

ДРУГИ ИНТЕРЕСНИ РАБОТИ:

ChatGPT Connectors претставуваат нова можност (во бета-фаза) која овозможува поврзување на ChatGPT со надворешни алатки и извори на податоци. Со ова, ChatGPT може безбедно да се поврзе со трети сервиси – на пр., Google Drive, Gmail, Dropbox, GitHub, HubSpot и други – и директно да пребарува низ твоите документи, е-пошти, код или CRM податоци за да ги искористи во одговорите. На овој начин, твојот личен или компаниински материјал станува дел од контекстот на разговорот, овозможувајќи попрецизни и персонализирани одговори. Оваа функционалност е особено корисна за брзо наоѓање информации („Што пишува во најновиот извештај во Drive?“) или за пообемни анализи (создавање извештај кој ги комбинира податоците од повеќе извори).

Во следниот број превземи го целиот PDF документ со објаснување на сите овие алатки и можности.

Следни се Custom GPTs + Projects – креираш свој GPT асистент со сопствени правила. Или проект во кој ChatGPT го знае твојот стил (пр. за YouTube скрипти, блог постови...).

Но ако немаш платена верзија, можеш да користиш веќе подготвени GPTs. Тоа се прилагодени верзии на ChatGPT – наречени „Custom GPTs“ – креирани од други луѓе или организации за специфични задачи.

Како функционираат?

• Имаат сопствени правила, инструкции и знаење

• Наменети се за конкретна цел: дизајн, учење, маркетинг, кодирање итн.

• Не мораш сам да ги тренираш – само ги користиш

Кликни на Explore GPTs делот (горе лево во десното мени). Можеш да пребаруваш по категорија (образование, продуктивност, пишување итн.)

Наша препорака е одма да почнеш да ги пробуваш и истражуваш, а можеш да почнеш со ова за бизнис идеи 👇

Без да користиш дополнителни алатки или апликации, директно во ChatGPT со еден промпт можеш да создадеш каква сакаш слика. Најлесно е: отвори нов разговор, оди во Tools > Create Image и напиши што сакаш. Ако нè читаш редовно и следиш на социјалните мрежи, сите слики што ги имаме споделено се генерирани на овој начин. 

Еве еден пример како истиот промпт дава различен резултат - веќе е јасно дека ја преферираме верзијата од ChatGPT.

Можеш да користиш и Sora – алатка во ChatGPT за слики и видеа. Во Sora можеш:

• Да менуваш размери, резолуција, должина (5, 10, 15 секунди)

• Да користиш шаблони (presets)

• Да направиш storyboard и да ги поврзеш сцените

• Да ги прегледаш најдобрите креации од други корисници

Одбери готова слика, оди долу лево “edit prompt”, на лице место смени го промптот и одма генерирај слика според твоите измени.

Еве ја нашата проба:

А ако сакаш видео, долу кога го пишуваш промптот само смени наместо “image”, во “video”.

*Промптовите во Sora се на англиски, ама тоа не ти е проблем. Како рековме: земи што сакаш,стави во ChatGPT; преведи, додади, одземи, преведи пак на англиски и врати го во Sora.

ДА НЕ ГИ ЗАБОРАВИМЕ

Codex: Ова е нов агент за софтвер инженери

• Анализира код

• Сугерира подобрувања

• Програмира заедно со тебе

Operator – агент што сурфа за тебе

Ова не беше достапно за нашата земја до пред некое време, сега гледам дека доаѓа со “Pro” верзијата ($200 месечно😨) Може да предложиме други алатки и начини како да се постигнат истите резултати наместо претплата од $200.