#16 Google AI Studio: Сѐ што треба да знаеш

Оваа алатка не е нова, но не се спомнува доволно – а може да ти го направи животот полесен.

Дај му шанса:

• Што е Google AI studio?

  • Chat - разговор со повеќе контрола

  • Stream - Гласовна комуникација, камера, споделување екран

  • Generate Media - Слики, видеа, музика и говор со AI

  • Build - Гради сопствени AI апликации

• Добиј чеклиста за полесно да одбереш AI алатка/апликација

• Твое мислење- кажи ни што да истражиме за тебе?

Google AI Studio

Сѐ што треба да знаеш за најмоќната (и бесплатна) AI алатка од Google

Прво мора да расчистиме: Што е Gemini, а што е Google AI Studio?

Gemini = AI моделот на Google (како ChatGPT, ама од Google)
Google AI Studio = алатката преку која можеш да комуницираш со Gemini, ама не само со чет — туку и преку камера, екран, и со градење апликации. Нешто како
контролен центар за паметна интеракција со AI.

Делува комплексно, но не се откажувај пред време - ќе пропуштиш фантастично интересни и корисни алатки ☺️ 

👉 Овде можеш да го отвориш https://aistudio.google.com/prompts/new_chat и да одиме чекор по чекор со сите карактеристики од левата и десната страна.

Од лево прва е опцијата “chat” каде што имаш класичен AI разговор. Користи го како ChatGPT: поставувај прашања, барај текстови, шаблони, идеи. Ако се сеќаваш од минатото издание каде што зборевме за температура во размислувањето - овде е интересно тоа што можеш сам да ги прилагодуваш тие параметри од десната страна. На пр. постави промпт и намали ја температурата, а потоа за истиот промпт зголеми ја и види каква разлика има во одговорот. Најмногу се гледа разлика кога прашањата бараат подлабоко размислување, прикажување или метафори. Од истата десна страна подолу има “structured output” , кое ако го обележиш ќе добиеш одговор со структура на пр. во кратки црти, листа, табела и сл. Подолу од истата страна во “advanced settings” може и да го ограничиш одговорот т.е во “output length” да го намалиш бројот на токени за да добиеш пократок одговор.

Од левата страна под “Chat” на ред доаѓа Stream. Ова овозможува комуникација во живо, не мора само да пишуваш, може и да вклучиш “ Talk ”. Одобри користење на микрофон и зборувај директно со Gemini.

Уште поинтересно: опцијата Share Screen - сподели му го екранот и Gemini ќе гледа што работиш и ќе ти дава инструкции, објаснувања и помош.

Како може да ти помагне AI Studio во реална ситуација?

Додека работиш на презентација или дизајн на пр Canva, Google Slides, CapCut- ако заглавиш некаде и не знаеш што е следно или како да го направиш, сподели го екранот и прашај. Ќе ти даде точни чекори во интерфејсот што го гледа. Исто, ако сам правиш веб сајт, Gemini гледа каде си заглавен и ти покажува каде да кликнеш.

Следната моќна опција во Stream е камерата. Овде можеш да вклучиш:

• Webcam (на лаптоп)

• или уште подобро: камерата на мобилниот преку Chrome. Gemini анализира што гледа.

Што можеш да направиш со камерата?

1. Препознај уреди
   Покажи му кутија од некој уред, полнач, слушалки или каква било технологија – Gemini ќе ги прочита симболите и ќе ти ги даде сите карактеристики, дури и инструкции како да го користиш.

2. Идентификување на производи и објекти

   Може да го прашаш како да го составиш предметот или како се користи

3. Совети за готвење од состојки што ги имаш дома
   На мобилен – покажи му неколку состојки (крекери, урми, сардини, јатки), и прашај: „Што можам да зготвам од ова?“
   Gemini ќе ти даде неколку идеи, па дури и ќе се обиде да ги одвои тие што одат заедно – и оние што звучат... чудно

4. Анализа на текстови или ознаки од реални предмети
   Можеш да насочиш камера кон нешто испечатено, како етикета, мени, или упатство – и да побараш превод, објаснување, па дури и сугестии (на пр. дали е здрава храна, колку калории содржи, дали е погодна за диета и сл.).

5. Препознавање на предмети во природа 

   Покажи му растение, инсект или нешто интересно – AI може да ти каже вид, потекло, и совети за нега (како мини Shazam за природа).

Веднаш под Stream се наоѓа: Generate media

🔍 Explore models (горниот дел)

Тука имаш избор на AI модели што може да создаваат различни содржини:

1. Imagen
   → Генерирај висококвалитетни слики од текстуални описи.

2. Veo
   → Генерирај кратки видеа и анимации од текст.

3. Lyria RealTime
   → Креирај музика во живо, контролирај ритам и стилови.

4. Gemini Speech Generation
   → Претвори текст во говор со природен звук.

5. Gemini Image Generation
   → Multimodal модел што разбира и текст и слики, и може да ги комбинира.
   Можеш да дадеш слика + опис и да добиеш изменета верзија, варијации и сл.

“Or try some examples” - Во долниот дел имаш готови промптови што можеш веднаш да ги пробаш.

👉 Кликни на некој од примерите за да видиш како изгледа промптот, а потоа измени го според твоја потреба.

Сѐ што ќе создадеш, можеш да превземеш и експортираш во Google Drive. При креирање можеш да ги менуваш и параметрите кои секогаш се од десната страна.

🔁 Комбинирај со други делови:
Може да го користиш делот за слики/видеа во комбинација со Chat (за да добиеш промпт идеи) или со Build (за да вградиш слики во своја AI апликација).

1. Imagen (за слика)

 2. Veo (за видео)

Промпт:

3. Lyria RealTime (за музика)

Некој што се разбира од музика да го проба ова па да сподели 😁 Со движење на кружните контролори миксате и прилагодувате музички стилови 🎧

 4. Gemini Speech Generation (текст во говор)

Фантастича употреба на AI. Може веднаш да создадете говор за еден или повеќе говорници.

Од десната страна бирате глас и други параметри. Слушни го нашиот пример со гласот на „Despina”

Одиме подолу на менито - под “Generate Media” се наоѓа Build

Што значи ова?

• Можеш да создаваш интерактивни апликации со текст, глас, слики, видеа или музика

🔹 Start from a template

– Ако си нов корисник, ова е најлесен начин.
– Кликни, избери шаблон (template), и прилагоди го според твоите идеи.

Showcase – Примери што веќе постојат:

Во долниот дел од екранот, имаш вистински мини-апликации што Google ги нуди како инспирација. Еве ги најинтересните:

Алатки за говор и текст

• Dictation App
  → Претвора долги аудио снимки во јасно напишан текст (препис).

• Flashcard Maker
  → Креирај образовни флеш-картички. Само внеси тема и добиваш картички.

 Видео и визуелна анализа

• Video to Learning App
  → Претвори YouTube видео во интерактивна лекција.

• Video Analyzer
  → AI анализира видео: сумира, препознава сцени, предмети, текст.

• Gemini 95
  → Носталгичен интерфејс инспириран од Windows 95, со AI интеракции.

Мапи и истражување

• MCP Maps Basic
  → Одговара на географски прашања со мапи и интеракции.

• Maps Planner
  → Планирај денови, патувања, маршрути со помош на AI.

• Maps Explorer
  → Истражи интересни локации во светот според твој опис.

Слики, GIF и уметност

• Magical GIF Maker
  → Претвори опис во анимиран GIF.

• Gemini Co-Drawing
  → Цртај и AI ќе го продолжи/обработи цртежот.

• Spatial Understanding
  → Означи предмети на слика (bounding boxes).

Кодирање и креативност

• p5js Playground
  → Генерирај интерактивна графика и игри преку промпти.
  ✅ За учење програмирање и уметнички код.

• Image to Code
  → Претвори слика во интерактивен код (p5.js).
  ✅ Инспиративно за генеративна уметност и развој.

Забавни и едукативни

• Tiny Cats
  → Слајдови со објаснувања од „мачки“ – метафори и илустрации.