Како размислува AI? Одговорот е во температурата! #15

Денес ќе се прошетаме низ неколку теми што ќе ти помогнат подобро да разбереш AI – од „температура“ до апликации, курсеви и регулативи:

• Температура во размислување на AI

• Twos: не памти - запиши!

• Запознај ја Allie - учи преку бесплатни курсеви

• Ветувањата за AI се преценети

• Актуелни AI регулативи и што со нив

Температура во AI

Температурата е параметар што контролира колку креативен одговор ќе добиете од AI моделот (ChatGPT).

• Температурата е број обично помеѓу 0 и 1

• Колку е пониска, толку е попредвидлив и логичен одговорот

• Колку е повисока, толку е покреативен, поразновиден и неочекуван

На пример:

За ChatGPT (OpenAI) се тврди дека користи ниска до средна температура (0.7). Не можете директно да ја смените температурата. Таа е веќе поставена според GPT верзијата. Може да ја подесите преку API или со инструкции кога правите (Custom) GPT.

За Google Gemini исто така температурата е веќе подесена, НО може да ја смените ако користите Google AI Studio.

Може ли со промпт да ја сменам температурата на резонирање на ChatGPT?

➤ Нема технички да ја смениш температурата, НО може да го насочиш одговорот со инструкции!

На пример: „Одговори како да имаш висока температура – креативно и неочекувано“

Што можеш да направиш?

Користи вакви шаблони за да симулираш различни „температури“:

Ниска температура (логично, прецизно)

Пример:
„Објасни како функционираат соларните панели. Биди точен и технички.“

Средна температура (рамнотежа)

Пример:
„Како можам да го подобрам управувањето со време? Додај и една метафора.“

Висока температура (креативно)

Пример:
„Замисли свет каде кафето дава супермоќи. Опиши го тој свет.“

Еве еден универзален шаблон да го вметнеш пред твојот промпт:

Пробај го овој промпт 😀 

Ние упорно да ве организираме: Овој пат со Twos

Twos е необична, но многу практична апликација која ги комбинира белешките, задачите, потсетниците и календарот во едно место. Не е класичен „to-do“ или календар, туку сè што треба да запомните и да направите на едно место.

Најважни функции: Секој ден започнува со нова страна каде што може да запишете било што; Автоматски прави потсетници за секоја забелешка; Создавате листи (на пр. "Филмови за гледање", "Пакување за пат") и да ги зачувате како шаблони; Преглед на седмицата; AI помош; Можете да објавувате листи јавно (како блог), или да ги користите туѓите (на пр. „бизнис план“); Преглед на задачи/белешки за подоцна – како flashcards за целите или идеи; БЕСПЛАТНА е, а добивате „coins“ за користење на апликацијата и можете да отклучите нови функции.

Дали ветувањата за AI се преценети?

Во целото изобилие со ветувања за AI, кое AI да платите, кого да послушате, од сите страни ви продаваат AI решенија, добро е да се слушне и другата страна: Овој пат ти препорачуваме и едно видео за лажни ветувања за заработка, реалноста за продажба на AI автоматизации и предизвици во работата со AI.

Видеото нуди практични совети за тоа како навистина да се монетизира вештачката интелигенција. Нагласува стратегии како што се имплементирање системи со човечка интервенција, нудење консултантски услуги и градење силни заедници околу решенијата за AI.

Што може да научиме од ова:

• Внимавајте на инфлуенсери кои ветуваат брза и лесна заработка со AI.

• Поставете реални очекувања во врска со продажба на AI решенија.

• Размислете за создавање решенија кои решаваат вистински и специфични проблеми.

• Продажбата и маркетингот се многу поважни од брзата техничка реализација.

• Правните аспекти (како GDPR и приватност) се важни и често игнорирани.

Ова видео е одличен пример за вистинската состојба на пазарот на AI услуги, без претерани ветувања и со реалистични примери од практиката.

Ако се сеќавате од минатиот број на Glasp, искористете го сега! Ископирајте го целиот транскрипт и преведете го во ChaGPT 😁 

Регулациите споменати во видеото се:

Што носи Европскиот AI Act?

Законот за вештачка интелигенција на ЕУ претставува храбар чекор кон заштита на граѓаните во свет што сѐ повеќе се потпира на AI. Можно е да стане строг модел што ќе го следат и други земји, но исто така постои ризик да се разводни под притисок од индустрии што силно зависат од AI. Во секој случај, потрошувачите можат да очекуваат поголема транспарентност кај AI услугите. https://www.investopedia.com/eu-ai-act-11737033

Tech lobby група бара прекин на AI Act

• CCIA Europe (во која членуваат компании како Alphabet, Meta и Apple) побара привремен прекин на примената на AI Act, наведувајќи дека некои клучни одредби се задоцнети и се ризикува иновацијата во Европа .

• Усогласувањето на правила треба да започне на 2 август 2025, но некои делови сè уште не се објавени.

• Според AWS, над две третини од европските компании не ја разбираат целосно својата одговорност според законот. Повеќе ТУКА

Bosch: Премногу регулација може да нè „убие“

• Извршниот директор на Bosch укажа дека ако регулацијата „заглави“ во бирократија и нејасни барања, Европа може да ја загуби предноста во AI и да „се регуализира до смрт“ .

• Bosch ќе инвестира 2,5 милијарди евра до 2027 година во AI и важи за значаен „глас на индустријата“. Читај ТУКА