• aitekka
  • Posts
  • #14 Професионални во бизнисот со AI

#14 Професионални во бизнисот со AI

Практични AI алатки, совети и инспирации

June 24, 2025

In partnership with

Денес откриваме AI алатки— тивки, но моќни. Една ќе ти дизајнира мејл како цел маркетинг тим. Другата ќе ти стане меморија подобра од твојата.

Зборуваме за :

  • Mailteorite – Креирање професионален мејл со дизајн за 10 секунди

  • MyMind – Лична AI меморија за твоите идеи и инспирации

  • Промптови

    • за тешки разговори на работа– љубезно, но цврсто

    • размрдај го твојот бизнис

  • Генерирање слики со AI – реалистични слики за твојот бизнис

    • мокапи, реклами, услуги и производи (од саат до брашно)

  • Што сакаш да истражиме за тебе? – Твоја идеја, наша задача!

Испраќај професионални мејлови

Иако најчесто користиме ChatGPT за сѐ, од пишување мејлови до промптови и слики, сѐ почесто се појавуваат AI алатки кои не се „за сѐ“, туку решаваат една одередена задача.
Mailteorite е алатка што служи само за креирање мејл шаблони.

Со ChatGPT може да составиш мејл за секоја прилика, но тоа ќе биде само текст, а Mailteorite ќе ти состави комплетен дизајн. Твојот мејл ќе изгледа попрофесионално пред твојата публика или клиенти.

Како работи?

Кога ќе ја отвориш страницата на Mailteorite, прво ќе те праша кој тип на мејл сакаш да креираш:
– покана за настан
– newsletter
– промоција
– welcome email
– или нешто по мерка

Потоа пишуваш што сакаш да содржи мејлот, а Mailteorite ќе ти генерира и текст, и визуелно структуриран изглед со слика, копчиња, боја и CTA.
Можеш да го уредуваш дизајнот, да прегледаш како ќе изгледа на мобилен, и дури да си пратиш пробна верзија. Работи и на МАКЕДОНСКИ - и твојот промпт може да биде на македонски, и продуктот што ќе го добиеш ќе биде на македонски. Може секако да го доработиш, да смениш/додадеш слика, да го уредиш текстот и сл.

✉️ За неколку секунди ќе добиеш готов текст што можеш да го ископираш или дополнително уредиш. Погледни ги нашите примери: покана за live webinar, промоција на SAAS Task Manager, и работолница за приказни за деца 👇

The Daily Newsletter for Intellectually Curious Readers

Join over 4 million Americans who start their day with 1440 – your daily digest for unbiased, fact-centric news. From politics to sports, we cover it all by analyzing over 100 sources. Our concise, 5-minute read lands in your inbox each morning at no cost. Experience news without the noise; let 1440 help you make up your own mind. Sign up now and invite your friends and family to be part of the informed.

Лична дигитална меморија со MyMind

Некои велат дека ова е како “Pinterest and Google Keep had a baby”

Паметен личен простор за сѐ што сакаш да си чуваш, без потреба од организирање. Работи како приватен дигитален дневник, визуелен бележник и пребарувач во едно – со автоматски ознаки и привлечен дизајн. Можеш да зачуваш статија, слика, цитат, рецепт, фризура, нокти, фустан, промпт, веб страна, идеја за мебел, слика за реновирање…

🔧 Како се користи MyMind (многу лесно!):

  1. Инсталирај го додатокот за Chrome или Firefox: https://mymind.com

  2. Кога ќе видиш нешто што сакаш да го запомниш– кликни „Add to MyMind“.

  3. MyMind сам ќе препознае што чуваш и ќе му додаде ознаки (пр. „цитат“, „статии“, „инспирација“, „рецепти“).

  4. Кога ќе ти затреба, доволно е да пребаруваш со клучни зборови – како „море“, „интернет град“, „школка“, или дури и „вчера“.

  • Приватност: Без реклами, без следење, без социјални мрежи – сè што чуваш е само твое.

  • Поддржува статии, PDF-и, видеа, слики, screenshots

  • Не е за работа во тим

  • По регистрација, добиваш 100 картички бесплатно, и тоа без ограничување на времето, кога ќе го надминеш лимитот-треба надградба на планот.

Решавање конфликти на работа

Овие промптови се практични примери што можеш веднаш да ги пробаш во ChatGPT:

Како да се справам со конфликт со колега на работа на смирен и професионален начин? Дај ми практични совети и што треба да избегнувам.

Може ли да направиме симулација на разговор со колега кој постојано ме прекинува на состаноци? Сакам да бидам љубезен, но јасен и цврст

Кои стратегии можам да ги користам за да останам смирен во конфликти на работа и како да изградиме подобри односи со колеги со кои тешко се разбираме?

Надмини го застојот во бизнисот со AI

Внеси го овој промпт во ChatGPT:

Имам мал бизнис во [внеси индустрија] кој стагнира во последните неколку месеци. Сакам да користам AI за да откријам нови насоки, услуги или целни групи. Можеш ли да ми направиш акционен план за:

Кои алатки може да ми помогнат да анализирам пазари и трендови?

Како да направам нова понуда што ќе биде привлечна за мојата публика?

Примери за AI-поддржани маркетинг стратегии за мал бизнис?

Генерирај слики за ТВОЈОТ БИЗНИС, УСЛУГИ ИЛИ ПРОИЗВОДИ. Следниве промптови можеш да ги адаптираш по свое и внеси ги во ChatGPT

Промпт 1: Создај професионален мокап од дигитален производ за маркетинг цели. Производот е [AItekka bilten] со наслов „[AI водич со Aitekka]“. Мокапот треба да прикаже реалистична сцена со: Таблет или лаптоп на кој се гледа дигиталниот производ Принтана верзија или корица (по избор – за да се добие чувство на вредност) Чисто работно биро со елементи како тетратка, пенкало, кафе или растение. Природно светло и модерен минималистички стил: минималистички, професионален, со меки сенки и реалистична длабочина.

Промпт 2: 

Хипер-реалистична слика од транспарентно стаклено јајце поставено на зелена ливада на зајдисонце. Внатре во стакленото јајце се наоѓа [елегантен машки часовник]. Производот е централно поставен и нежно осветлен од мекото сонце. Во позадина се гледа широка ливада со долга трева, небо со топли облаци и три птици кои летаат во далечина. Ултра-детално, кинематографско осветлување, магична и надреална атмосфера, со ефект на длабочина.

Промпт 3: 

Генерирај футуристична слика со летачки автомобили во високо развиен град. Летачкиот автомобил спушта торба од [Aitekka] со помош на јаже до жена која гледа кон автомобилот, насмеана и мавта. Агол на камера: блиску. Резолуција: 8K. Ултра-реалистично. Светол, чист и модерен град.

Промпт 4: Создади хипер-реалистична реклама за производот Nanny's Flour, прикажувајќи дрвена маса рачно изработена од споени даски. На масата се наоѓа мала бела керамичка чинија со брашно Nanny's Flour, сад со живи јајца каде што се гледаат две жолчки, сукало поставено до голема кафена пластична лажица, и помала керамичка чинија во која се истура млеко. На масата се распоредени и подготвени правоаголни парчиња тенко тесто со различна широчина. Постави го логото на Nanny's Flour во горниот лев агол од графиката, а сликата од пакувањето на брашното (во дебело хартиено пакување, карактеристично за брендот) прикажи ја во помал формат во долниот десен агол. На врвот од графиката, вметни благо навалени текстови со следните бои: "ASSEMBLE YOUR" (со бела боја), "INGREDIENTS" (со жолта боја), "FIRST" (со бела боја).

*ништо од ова не постои, сега прв пат во промптот ги измисливме за ChatGPT

Дали ги прочита претходните изданија? Може таму се крие нешто што ќе ти го олесни животот! Не пропуштај! https://aitekka.com/

СЛЕДНИТЕ ИЗДАНИЈА : Преголемите ветувања со AI, внимание со податоците во Европа-важат различни закони од САД; како да ја менувате температурата на размислување на AI; ќе ти претставиме повеќе use cases (примери на користење) за различни сфери и бизниси.

Имаш нешто конкретно што ти се допадна или недостасуваше?
После гласањето, слободно напиши краток коментар!

Се читаме наскоро,

Тимот на aitekka

Reply

or to participate.