#10 Дали ChatGPT ти ја кажува вистината?

Често пати добиваме коментари од типот „Ми даде неточна информации“, или „Врска нема ова ChatGPT“. Зошто одговорот од AI некогаш звучи уверливо, а не е точен? И најпаметните јазични модели можат да згрешат. А резултатот всушност зависи од ТЕБЕ!

Денес:

• Провери точност на одговорите

• Формулирај паметни прашања

• RAG & Fine Tuning

• 2 промпта што мора да ги пробаш

  • Утринска рутина

  • Идеи за зголемување на плата

• Генерираме слики

• Ново од Google и OpenAI

ВИСТИНАТА ВО ФОКУС!

Не го третирај ChatGPT како енциклопедија, нека ти биде асистент. А еве неколку начини како да си сигурен во резултатите:

1. Проверка или споредба со други извори

• постави го истиот промпт на друг LLM модел и види каков одговор ќе добиеш

• или одговорот што си го добил внеси го во нов дијалог и прашај дали е точен

• побарај да ти ги наведе изворите од каде што ја извлекол информацијата, па дури и да ти ги издвои деловите од тие текстови

• истражи сам преку проверени извори (научни статии, сигурни веб-страници)

• користи го сопственото знаење и критичко размислување.

Внимавај на уверливи, но измислени одговори (hallucinations)

• цитати од луѓе што никогаш не ги кажале тие работи

• непостоечки извештаи

• лажни линкови

🔍 Прашај го дополнително:

„Каде го најде овој податок?“
„Можеш ли да ми дадеш извор или линк?“
„Од кога датира оваа информација?“

2. Паметно формулирање на прашања (Prompt Engineering)

За да добиеш добри одговори, твоите инструкции треба да се прецизни и јасни. Главни техники се:

• Давање улога на моделот (Role assignment): „Ти си маркетинг експерт (наставник, адвокат) со 10 години искуство…“

• Јасен контекст (Clear Context): Објаснете ги околностите, целта, и каков точно одговор очекувате: „Имам мал бутик за рачно изработена облека, сакам да зголемам онлајн продажба…“ „Направи ми план во 5 точки…“

• Чекор-по-чекор инструкции:

  „Објасни како да направам план за маркетинг чекор по чекор…“

• Примери и илустрации:
  Вклучете конкретни примери како што треба да изгледа одговорот.

  „Ти си дигитален маркетинг менаџер. Дај ми чекор-по-чекор план за промоција на бутик за облека на Инстаграм, вклучувајќи тип на содржина, фреквенција на објави и користење на хаштази.“

  Или “Анализирај го овој Python код и објасни дали има безбедносни слабости и зошто.”
  
  

3. Генерирање со надворешни извори (RAG)

Овој пристап користи надворешни извори (бази, документи) за да го подобри одговорот, давајќи му на моделот дополнителен контекст и информации. Така се намалува шансата за погрешни или измислени одговори.

📌 Пример:
Го прашуваш: „Каков беше растот на приходите во последното тромесечје?“
→ Со RAG, тој не погодува. Пребарува во твоите PDF извештаи, табели, внатрешни документи — и ти враќа одговор врз основа на реални бројки.

Ако користите бесплатна верзија на ChatGPT (не Plus), оваа опција не е достапна. Во тој случај, можете рачно да ги најдете информациите и да ги внесете во ChatGPT за анализа или појаснување.

Или пробај ги следниве:

🔹 Perplexity.ai
🔹 Claude со документ upload
🔹 Copilot со ваши датотеки
🔹 NotebookLM е готов RAG-систем (пребарува и вклучува извори).

4. Fine-Tuning

Замислете модел што е специјално трениран само за поддршка за телефони. Него не го интересира астрономија или мода – знае само за телефони.

Тоа е fine-tuning. Се зема веќе постоечки модел и се тренира со специфични податоци за вашата област.

На пример компанија за техничка поддршка тренира модел само со стотици реални разговори со клиенти, моделот станува експерт во таа област.

Подобро затоа што:

• дава брзи и точни одговори во специфичен домен

• нема потреба од дополнителни пребарувања

⚠️ Скапо е; Комплексно за одржување; Тешко се ажурира кога има нови информации

🎯 Предизвик за оваа недела
Постави едно исто прашање во ChatGPT и Perplexity или Claude. Спореди ги одговорите.

Минатата недела ти покажавме како да почнеш со Notion. Дали го активираше твојот втор мозок? Или уште седиш со отворени 10 таба и забелешки по хартии? Денес е денот-НЕ ОСТАВАЈ ЗА ПОНЕДЕЛНИК!👇

Утринска рутина

Како да бараш зголемување на плата?

Дали ги прочита претходните изданија? https://aitekka.com/

Ако ја бараш нашата објава од ФБ, ова е промптот за во ChatGPT:

Експериментирај со различни описи - за твоето име или други брендови.

Скопје во фокус – нова перспектива 📷

Со Google пробувај облека онлајн. Google повторно изненадува: сега можеш виртуелно да видиш како ти стои парче облека пред да го купиш. Новата функција „AI Try-On“ симулира како би изгледала облеката на различни типови тела – реално, со детали и природна текстура.

OpenAI и легендарниот дизајнер на iPhone, Џони Ајв, објавија партнерство за развој на нов вид на уред – AI „супер-џебен уред“:

• Уредот ќе биде компактен, без екран, но со вградени микрофони и камери.

• Не е ни телефон, ни паметни очила – ова е „трет основен уред“ кој ќе го надополнува лаптопот и смартфонот, со цел да ја намали зависноста од екрани.

• Според аналитичарот Минг-Чи Куо, прототипот наликува на iPod Shuffle и може да се носи околу вратот.

AI креаторот PJ Ace на X изјави дека создал реклама вредна $500.000 за само $500 за помалку од еден ден користејќи ја новата алатка Google Veo 3. Ова е уште еден доказ дека видеопродукцијата со AI не е иднината – туку сегашноста.
Потребна ти е идеја, сценарио и алатка – веќе не ти треба цела продукциска екипа.