Во свет што постојано се менува, најважната вештина е способноста да учиш. Но каде да почнеш?
Во овој број нудиме:
Практична примена на AI
Промпт 1 - личен развој
Промпт 2 - математика низ игра
Пишување промптови + промпт 3
Генерирање слики со AI
Ново во светот на AI
Видео туторијал - Perplexity
Овој дел ќе ти покаже како да го искористиш AI за да направиш корисен и краток водич за било која вештина или тема што сакаш да ја совладаш – без да бараш низ стотици страници онлајн.
👉 Што треба да направиш:
Избери тема или вештина што сакаш да ја научиш (на пр: подобрување на комуникација, презентирање, дигитален маркетинг…).
Разликата е во твојата умешност како ќе го побараш тоа од AI. Можеш да прашаш вака:
Како да ја подобрам мојата вештина на јавно говорење/презентација?
Но еве нешто подобро- Ископирај го следниов промпт и стави го во ChatGPT (или AI по твој избор-Gemini, DeepSeek, Copilot, Claude) 👇
Ја користам паузата за ручек за да ги подобрам моите вештини за [вметни тема, на пр , лична продуктивност, јавно говорење и сл]. Постави се како експерт-истражувач. Пребарај широк спектар извори за да ги пронајдеш најавторитетните и најефективните материјали за учење – како книги, статии, онлајн курсеви и видеа. Твоја цел е да составиш краток и корисен водич базиран на достапни извори – фокусирај се на најдобрите 20% од највредните, најинформативните и најпрактичните аспекти од темата. Водичот треба да е прилагоден конкретно за мојата тема: да ги опфати и основите и напредните концепти, вклучувајќи ги најновите трендови и добри практики во оваа област. Направи го водичот применлив. Вклучи клучни поенти, стратегии и техники што може веднаш да се применат. Избегнувај непотребни детали или технички жаргон. Организирај го водичот со јасни наслови, поднаслови и точки во листа. Направи го визуелно прегледен и лесен за читање, така што ќе може да се совлада во рок од 30 минути. Провери дали водичот е соодветен за некој што сака да ги примени вештините во реален, работен контекст. Треба да биде корисен и за почетници и за оние со средно ниво на знаење – со цел да го унапреди моето разбирање и вештини во областа.
✅ Што ќе добиеш?
– Краток водич направен само за тебе
– Примери, совети и клучни поими за темата што ја избра
– Идеи што веднаш можеш да ги примениш во работа или лично
📌 Кога ќе го добиеш водичот – прочитај го полека, одбери 1–2 работи што ќе ги пробаш оваа недела. Малите чекори водат до големи промени!
Ако треба да се вежба математика, постави го овој промпт во ChatGPT.
Сакам да играш математичка игра со моето 9-годишно дете за да го научиш делење преку дропки и храна. Поставувај му прашања едно по едно, за овие теми но поврзани со [тука вметни некој цртан лик/херој, на пр.Покемон] и претвори го тоа во игра. Кога тој ќе победи – победува и [Пoкемон].
Постави го првото прашање.
Секако, овој промпт може да си го адаптирате за друга возраст, друг предмет/тема и сл.
Ако те интересира пишување промптови:
Првиот промпт користи R-I-S-E (Role-Input-Steps-Expectation) и L-E-D (Level-Expectation-Direction) структура, бидејќи содржи улога, влезни податоци, чекори, очекувања, сложеност, визуелна структура, и применливост.
Постојат повеќе видови на структури на промпт (инструкции), но не треба строго да се држите до некоја од нив, слободно користете различни елемeнти- важно е и сами да истражувате.
Во секое издание ќе предлагаме промптови со различни структури и за различни намени.
Инспирација за промпт
Откако ќе го внесеш овој промпт, ќе добиеш предлози водени од UX/UI дизајн и програмирање за редизајн и повторна разработка на твојата веб-страница со цел да се подобри корисничкото искуство и да се постигнат деловните цели на твојата компанија. Почни со ова: „Ми треба помош за креирање е-продавница за продажба на [накит].“
Сакам да бидеш консултант за веб-дизајн. Ќе ти дадам информации поврзани со организација која има потреба од дизајнирање или редизајнирање на својата веб-страница. Твојата улога е да предложиш најсоодветен интерфејс и функционалности кои ќе го подобрат корисничкото искуство, а истовремено ќе ги поддржат деловните цели на компанијата. Треба да го искористиш твоето знаење за UX/UI принципи, програмски јазици, алатки за развој на веб-страници и слично, за да изработиш сеопфатен план за проектот.
Еве како ChatGPT го замисли Скопје. Пробај со твои букви и град по твој избор. И секако, пробај да напишеш подобар и подетален опис на градот за да добиеш пореална слика.
Ископирај го овој промпт во ChatGPT :
Создади фотографија преку ден со јасно сино небо, каде што буквите [aitekka] се формирани од облаци и се поставени над урбаниот пејзаж на [Скопје].
А во следните изданија и промптови- како да ги создадете овие дизајни 🤔
- AI што зборува со клетки! Google Research ја претстави новата AI алатка Cell2Sentence-Scale – отворен модел што буквално може да „разговара“ со човечки клетки и да одговара на прашања. Звучи како научна фантастика? Ова би можело да го забрза откривањето на нови терапии и да овозможи поиндивидуализиран пристап во лекувањето. Ако AI може да комуницира со клетки, можеби наскоро ќе комуницира и со делови од нашето тело на сосема нов начин!
Најновиот модел за резонирање од OpenAI (o3) е полн со изненадувања. Моделот спонтано започнал да користи зборови како „ние“ и „нашето“, како да е дел од тим. Може да „подобри“ било која слика и да пронајде минијатурни детали, може да погоди каде е направена некоја фотографија – без дополнителни информации, 🧩 и може да реши лавиринт со димензии 200x200... за помалку од 5 минути!
Microsoft ја објави својата втора пролетна верзија на Copilot за 365 – и носи моќни нови алатки за зголемување на продуктивноста.
✨ Во оваа надградба се вклучени: AI агенти што работат наместо тебе во позадина, генерирање слики директно од текст, подобрени можности за автоматизирање задачи и олеснување на секојдневната работа. Замисли да можеш да му кажеш на Word: „Направи ми нацрт-договор“ – и да добиеш документ за 10 секунди.
Ова е само уште еден чекор кон свет каде AI не е луксуз, туку дел од твоето секојдневие.
СЛЕДНИОТ БРОЈ: уште повеќе промптови за креатори и бизнис идеи, лични цели и оддржување навики, и главниот, детален промпт за ГРАДЕЊЕ НА ОДГОВОРНОСТ ВО ТИМОТ
Важно 🚀ќе ви претставиме моќна, бесплатна алатка што претвора PowerPoint презентации, PDF-датотеки или видео-снимки од екран во How-To видеа за помалку од 5 минути!
Ќе има и нешто забавно за дизајн.
📝 Имаш нешто конкретно што ти се допадна или недостасуваше?
После гласањето, слободно напиши краток коментар!
Како ти се виде денешната содржина?
Прати ни мејл ако имаш свои идеи или ако сакаш да бидеш и ко-автор на некои од следните изданија.
Следи нè на социјалните мрежи за повеќе идеи и туторијали и преку неделата.
Се читаме наскоро,
Тимот на aitekka
